屋喔 (已結業)

今日跟朋友嘅介绍，黎咗食中环嘅呢间屋喔 Ocasa！😯入面装修都几有格调，好适合一班friends 放咗工黎chill 下😂😂！ 睇睇个menu，原来屋喔有西餐同埋台式晚餐食。 首先黎到嘅系一碟小食。蜂蜜芥末鸡锤$48 -- 鸡锤十分惹味，只只鸡锤都沾满蜂蜜同芥末， 甜甜酸酸嘅好开胃！🤣加拿大海胆干贝炖饭$118-- 炖饭真系好香，海胆份量都比想像中多😯。 加埋轻轻烧过嘅带子，食落真系好满足！👍🏻西班牙龙虾红花镬仔炖饭$168-- 另外呢个炖饭一送黎真系全枱都「哇」咗一声！ 个炖饭上面真系有一大只原只龙虾！ 😯 龙虾比油炸过，个壳劲脆，啖啖弹牙嘅龙虾肉！ 个炖饭材料都好丰富，有虾又有青口、鱿鱼，仲有大量芫茜，食落好香好有海鲜味！ 不过如果你唔系好似我呢个芫茜控嘅话就记住要走芫茜啦！ 😂😂 呢个炖饭真心唔错！ 饮品方面，都有好多选择。我地叫咗个花茶。蜂蜜桂圆红枣玫瑰花茶$42-- 花茶十分精致，仲有好香桂圆味，饮完即刻觉得好滋润😊！ 屋喔仲有好多其他食物都好吸引，等我下次再黎试埋佢先！