Amber

营业中

休息中

Item: Amber
Rating: 5
Author: 白方包

4.5

408 食记

味道

环境

服务

卫生

抵食

39163

中环

$801以上

法国菜酒无肉餐单 Fine Dining 酒店餐厅

316

白方包

等级2

退休之后，冇得旅行，有人教我去摘星。于是由米芝莲三星开始食落去。今日食到Amber午餐。选择咗 Amber extended experience，即系四度菜。未讲菜式之前，可以讲下服务，当然系5星级酒店嘅服务，无械可击。但有个小插曲，我哋早咗13分钟到，唔畀入住，但会提示我哋去下洗手间，同有地方坐下，而且喺8分钟之后，都畀我哋入去。正餐之前，当然有面包，同两款 amuse bouche前菜。面包系热嘅。唔知amber嘅菜式系唔系法国南部多，所以面包就只系畀法国南部嘅橄榄油。橄榄油嘅味系浓嘅，但感觉上好似冇三星意大利餐厅嘅香。面包方面亦感觉比三星意大利餐厅简单同冇咁香。第一款前菜应该系鱼籽，好佩服其他写食评嘅人，虽然侍应有详细解释每一道菜系乜嘢，但系听完已经唔记得咗一半，食紧嘅时候再唔记得多一半。。。我净系记得最底系菠菜汁，最顶系炸薯仔。但系呢个前菜系一流，配料同酱汁好味得嚟并无喧宾夺主(鱼籽)，完全食到鱼籽嘅味道。第二款珍宝珠，其实中间就系鹅肝，外面有 beetroot酱包住。我唔系对鹅肝疯狂嘅人，但系呢个无论分量同埋均衡嘅味道，都系一流。侍应有提醒，要一啖食落去

退休之后，冇得旅行，有人教我去摘星。于是由米芝莲三星开始食落去。今日食到Amber午餐。选择咗 Amber extended experience，即系四度菜。

3970 浏览

2 赞好

0 留言

未讲菜式之前，可以讲下服务，当然系5星级酒店嘅服务，无械可击。但有个小插曲，我哋早咗13分钟到，唔畀入住，但会提示我哋去下洗手间，同有地方坐下，而且喺8分钟之后，都畀我哋入去。

正餐之前，当然有面包，同两款 amuse bouche前菜。

面包系热嘅。唔知amber嘅菜式系唔系法国南部多，所以面包就只系畀法国南部嘅橄榄油。橄榄油嘅味系浓嘅，但感觉上好似冇三星意大利餐厅嘅香。面包方面亦感觉比三星意大利餐厅简单同冇咁香。

140 浏览

0 赞好

0 留言

第一款前菜应该系鱼籽，好佩服其他写食评嘅人，虽然侍应有详细解释每一道菜系乜嘢，但系听完已经唔记得咗一半，食紧嘅时候再唔记得多一半。。。我净系记得最底系菠菜汁，最顶系炸薯仔。但系呢个前菜系一流，配料同酱汁好味得嚟并无喧宾夺主(鱼籽)，完全食到鱼籽嘅味道。

第二款珍宝珠，其实中间就系鹅肝，外面有 beetroot酱包住。我唔系对鹅肝疯狂嘅人，但系呢个无论分量同埋均衡嘅味道，都系一流。侍应有提醒，要一啖食落去。但系之后记住要慢慢喺口里面咀嚼，奇味无穷。

之后第一道菜我拣咗yellowtail鱼生，再加上青番茄块。呢个又系一流。食呢啲餐嘅时候我成日唔知道，应该系逐个ingredient 食，定系一齐食。呢碟因为份量够，所以最初系逐件食，之后又捞埋啲咸鱼露一齐食。发现两种食法，都各有滋味同惊喜。

第二度菜，侍应提醒咗我哋，如果系文华会员，今期可以免费畀我哋升级其中一款菜式，于是我哋就拣咗 blue lobster。呢味又系一流，龙虾相信应该系八成熟，脆卜卜。再加上一些应该系腌制嘅日本萝卜，同埋鱼子酱汁，又系奇味无穷。

Blue lobster with kabu

76 浏览

0 赞好

0 留言

主菜我拣咗 pigeon 。侍应提醒，正常会系四成熟，提我如果接受唔到，可以转七成熟。我向来对半生熟嘅都唔系好有兴趣，所以都欣然接受咗提议。出嚟嘅时候，份量比想像中多，而且亦煮得非常之好。有少少外脆内软。伴菜除咗青豆之外，淀粉质方面亦都有用牛油煮嘅类似risotto。

最后甜品(其实唔系最后) ，我拣咗牛奶朱古力。实际上系parfait 上面有一个菊花，再上面系牛奶朱古力。侍应提醒，呢个要一羹包晒所有嘢食，味道同口感，亦都非常之好。

Chocolate parfait with edible marigold

68 浏览

0 赞好

0 留言

话咗唔系最后，因为之后仲有咖啡。又要值得一赞既系，呢度嘅 cappuccino 系咁多间餐厅饮过嘅，系拎到嚟加埋糖之后，仲系够热嘅。

Petition four 方面，绝对系惊喜。因为绝对唔系petit。每一味都好似正餐饮咁大。有poppy seed的madeleine，朱古力，台湾水果同「鸳鸯。其中鸳鸯基本上喺淡嘅咖啡再加淡嘅 Earl Grey 即时好似鸡尾酒咁摇出嚟。而madeleine 就系啱啱焗起嘅。但系好可惜，当摆晒出嚟，再等佢表演摇鸳鸯之后，当我食嘅时候已经唔再热。但系仍然系外脆内软，淡淡幽香。