玉子造屋 (已結業)

呢个系小编走上食评家的第一篇评论。星期六训到自然醒。2点几先自己一个出去食个出去食个饭。其实都唔知食咩好，一个人行咗去啱啱翻新完嘅将军澳中心，无话谂住食咩。行行下见水牌见到都有唔少新餐厅。好似无乜边间啱一个人食，最后见到间好似几特别嘅餐厅－玉子造屋。门口个餐牌望落去几吸引，可能新开，好多写住COMING SOON。入到去，个MENU都系写住试业中，唔系好多嘢拣。呢间餐厅故名思义系以蛋蛋做主题，身边件隔离枱食紧个猪扒蛋包饭，都几靓嘅。不过啱啱起身，好似劲Heavy咁，先叫咗杯芒果梳打同最后拣咗个黯然销魂饭 （日式叉烧蛋饭）试下。杯芒果梳打几得意，有啲芒果肉系底，同埋有块柠檬 （应该系装饰），望落去都几醒目。再来个日式叉烧蛋饭，老老实实，只蛋系嘅靓嘅，不过都系只煎双蛋。叉烧有啲姜味，ok嘅，可以Juicy啲。真系唔算好特别。反而我想赞一赞个豉油，甜甜地又有啲日式咩，同件事都几夹。之后就系用咗十二秒完成咗个饭，然后埋单黯然离去。