千樂燒味餐室 (已結業)

刚刚到新公司返工，同事话有间新嘅烧味餐厅开咗无几耐，就一齐行远少少食烧腊饭！食饭时间通常都好多人，所以谂住都系买外卖返公司食，不过今日去到啱啱有位，小店都算坐得几舒服架啦。选择困难症发作都谂唔到食乜，咁见到有食神嘅「黯然销魂饭」，就试下佢啦。$50几蚊喺呢区又唔算太贵嘅，但系对比起以前公司就贵DD，不过旧公司喺工业区，都好难比较啦。 落咗order都唔使等太耐就有得食，份量都足够，最尾食唔晒咁滞。粒粒分明嘅饭粒配上蛋黄及烧味汁，送饭就一流，食下食下就会食咗好多饭。菜心不算嫩但也不老，叉烧7分瘦3分肥，肉质算系偏瘦，不过食落系腍身，唔会好干好柴。可再改善嘅系太阳蛋，蛋白熟、蛋黄生的效果系做了，不过如果太阳蛋可以煎到更加㶶边就最好味，焦焦脆脆，简直系煎蛋的最高境界。