利寶閣 (已結業)

有睇过食神嘅都知道星爷最后用一碗黯然销魂饭打败咗佛跳墙，估唔到利宝阁都有星粉，将呢两样野变成一个套餐。睇星爷长大嘅我当然要去试一试呢个套餐啦。上环分店地方都算大，平日夜晚去食都估唔到都有七八成入座率，还好我地早黎到，唔需要等位。今晚系为咗呢个叉烧饭佛跳墙套餐而嚟，所以就叫咗一份。周年优惠嘅香酥鸡半只都系98，再加多一个榄仁蟹肉桂花炒瑶柱。黯然销魂饭，如果你觉得佢系一个普通嘅叉烧饭，咁你就大错特错啦。碗饭嘅叉烧好掂，系我最爱既半肥瘦。瘦叉嘅部份好冧，入口即溶，唔似出面嘅瘦叉又硬又柴，非常好味。可惜饭入面无加入洋葱，无办法感动到喊，哈哈哈哈。佛跳墙用料好足，汤嘅味道好浓好鲜甜，睇黎厨师用咗佢嘅内功将食材嘅鲜味迫晒出嚟。佛跳墙入边有鲍鱼，花胶，鱼翅，花菇等等。鲍鱼好大只，好弹牙，花胶好大好黏好多骨胶原，鱼翅一丝丝好弹牙，花菇好香。香酥鸡唔同平时食嘅炸子鸡，佢嘅鸡皮系沾左粉去炸，所以系更加香口同脆，但又保持到鸡肉嘅嫩滑，非常好味。榄仁蟹肉桂花炒瑶柱，呢个𩠌有啲似蚂蚁上树，啲蛋碎榄仁同蟹肉沾咗系啲芽菜上面，口感好丰富，而且味道好鲜甜，唔会好重好浓，食落去感觉好舒服。呢个食神套餐真系无得输，非常抵