鼎泰豐

营业中

休息中

星期六放假同老公👫去咗铜锣湾买嘢👜行到去怡和街附近望到一间好耐未去过嘅上海餐馆鼎泰丰， 我哋两个见到就即刻讲不如去鼎泰丰食嘢啰，因为我地系好耐都黎过了，对上𠮶次应该系三四年前在台湾 101 的鼎泰丰店，铜锣湾呢间我地入到商场地下见到都好多人排紧队等紧位，咁我哋就攞飞喺度倾下偈等咗15分钟左右，都好快就安排咗座位畀我哋两个入去，入到去呢间鼎泰丰都真系好大间，服务唔错👍我哋点咗蒜泥白肉 🥩、牛肉🐂面、干葱拌面， 同埋当然有最出名嘅小笼包啦， 呢度个醋嘅颜色比起平时食的醋特别系浅色，唔系好酸淡淡地几特别，等咗一阵所有嘢都好快就嚟到喇 ，先食咗个蒜泥白肉好香蒜味肉好清爽豉油唔会太咸都系好味嘅😋，跟住就系小笼包小笼包里面有汤汁，食落真系好好味😋个皮厚薄适中，食落去啲肉爽爽，有口感虽然好耐冇食，但系都仍然记得呢个鼎泰丰嘅小笼包真系最好食㗎，跟住葱油拌面好香干葱味面身爽口干水一啲水都冇系我今餐最钟意食😋。牛肉面都啱啱好唔会太淋个面爽口份量足够，原本谂住想点甜品但食完晒之后真系好饱，最终都无点😅。咁耐无黎真心好味下次经过都会再黎。