影片
更多
2021-12-11
713 浏览
几年前，系铜锣湾试过嘅私房菜，𠮶个年代一位千几蚊嘅私房菜令市场好震撼，人人都话佢定位贵而质素又唔高，那次自己俾钱食嘅经验就系感觉还好，但系一啲都唔深刻。 鼎爷当晚都在，但系只系影咗一幅相同讲解佢个名菜乞儿鸡点整。而其他菜式，唔系话唔好，但系你问我可唔可以有返印象讲下餐饭，我又真系冇乜。 搬咗舖之后，有几个朋友都赞不绝口，特别系佢嘅佛跳墙，人人都话非吃不可，比起皇仁旧生会好十条街，呢个Compliment 系我其中一个朋友讲嘅。 我未试过，当日写菜嘅冇准备佛跳墙，唯有下次吃，所以无可奉告，不过今晚食嘅都的确比起上一次印象鲜明得多。 先来的鼎爷精选前菜，基本上吃的都是手工的菜式，春花卷，龙穿凤翼，秘制话梅虾 ，泡椒莲藕，样样都好，我不是阿爷，不用班门弄斧同你讲点整，讲下食完有乜感受。 鼎爷嘅爸爸系顺德大良人，鸡卷似乎系屋企人人可以识做嘅嘢，今次认识原来春花卷系因为以前重男兴女时，男人先可以食处理方法多好多重的野鸡卷，而春花卷就系简单版。 秘制话梅虾同泡椒莲藕相对地比较straight forward，无乜难题，但又感觉唔错。 龙穿凤翼其实就系将
鼎爷当晚都在，但系只系影咗一幅相同讲解佢个名菜乞儿鸡点整。而其他菜式，唔系话唔好，但系你问我可唔可以有返印象讲下餐饭，我又真系冇乜。
搬咗舖之后，有几个朋友都赞不绝口，特别系佢嘅佛跳墙，人人都话非吃不可，比起皇仁旧生会好十条街，呢个Compliment 系我其中一个朋友讲嘅。
我未试过，当日写菜嘅冇准备佛跳墙，唯有下次吃，所以无可奉告，不过今晚食嘅都的确比起上一次印象鲜明得多。
先来的鼎爷精选前菜，基本上吃的都是手工的菜式，春花卷，龙穿凤翼，秘制话梅虾 ，泡椒莲藕，样样都好，我不是阿爷，不用班门弄斧同你讲点整，讲下食完有乜感受。
鼎爷嘅爸爸系顺德大良人，鸡卷似乎系屋企人人可以识做嘅嘢，今次认识原来春花卷系因为以前重男兴女时，男人先可以食处理方法多好多重的野鸡卷，而春花卷就系简单版。
秘制话梅虾同泡椒莲藕相对地比较straight forward，无乜难题，但又感觉唔错。
龙穿凤翼其实就系将甘笋、西芹、金华火腿等酿入鸡翼入面，我自己个人都几钟意呢个。
古法猪网油炸松叶蟹钳，我谂好多人都未试过咁样食过蟹钳，鼎爷话切一半，一半点汁食，一半唔点，就咁食蟹嘅原味当然食到新鲜感，但加了醋之后，那个复杂嘅鲜味仲劲好多，当晚我哋仲试咗芥末点，原来佢自己亲手将芥菜子磨成芥末，同一个食物同出边对比，细心得多。
鼎爷的原个椰皇炖嫩鸡汤，听鼎爷讲有好多故仔关于佢，清新甜美嘅滑鸡汤，原来好多人为左佢都可以好疯狂，下次亲口告你知。
鱼香茄子烩杉斑出场个样气势如虹，鱼香茄子用嚟送饭一流，而且肉质非常鲜嫩，杉斑好少见到，个味道同肉都几特别，再加上用呢一个方法，鱼肉更加出味，更好送饭。
紫气东来呢个名，好靓，说穿就系生炒骨，但感觉同平时食开嘅好唔同，将大家都认识嘅生炒骨加上紫火龙果，青柠，酸梅，片糖等天然食材，最后加上麦芽糖。
珊瑚锦绣球系另一个我好热爱的菜式，绝对讲手工，大大个锦绣球头顶用上蟹黄来扎。
最重要系蛋白皮，劲薄，外层的蛋白皮已经显示到功架，入面包住嘅系蟹肉、冬菇、火腿、鸡肉、大白菜、芫荽，虾等等，味味都好令人回味。
鲜淮山杞子浸时蔬，全晚最简单嘅一个菜式，间间场。
招牌手工脆皮糯米鸡，显示到佢嘅渊博知识，从呢个菜可以将佢鸡嘅学识同大家讲货，听佢讲可以点样将只鸡整得出神入化，超薄嘅鸡皮，下层系劲多嘅糯米饭，食到停不到。
鲜果冰花炖蛋，一看你以为系杨枝甘露，准备食先知原来系炖蛋，加上超甜嘅芒果，呢个结尾收得非常好。
全晚你享受到嘅系味道嘅欢愉，视觉嘅享受，全晚鼎爷喺度仲要同你娓娓道来唔同嘅故事，今次搬左真心推荐。
我好想去试佢嘅佛跳墙，有冇人有兴趣试吓？
鼎爷私房菜 湾仔卢押道23号凤凰大厦4楼
张贴
