鼎爺私房菜 (已結業)

啱啱放完圣诞长假期，我已经超级期待下月一号嘅农历新年啦！新年嘅前奏当然要食糕！今年第一糕有鼎爷私房菜 出品嘅「家乡萝卜糕」同「班香椰汁年糕」， 糕点秉承古法秘方足料炮制，不含防腐剂，香港新鲜制造！家乡萝卜糕 (900g)馅料有腊肠、润肠、腊肉，非常足料。萝卜清甜嫩滑，腊味油香惹味，两面煎一煎香已经好好食！班香椰汁年糕 （900g）呢个好有惊喜！以鲜榨班兰汁及香浓椰浆制成，入口散发班兰椰香，清甜不腻，我觉得煎比蒸好食，煎香两面会外香脆内软糯，口感一流！除咗「家乡萝卜糕」及「斑香椰汁年糕」，鼎爷私房菜仲推出咗「阿爷芋头糕」、「千层马蹄糕」，宜家预购仲有早鸟优惠价！除咗可以去湾仔嘅鼎爷私房菜换领贺年年糕之外，亦可去幸福滋味中心（地址：九龙荔枝角道838号励丰中心7楼705-706室）选购。沙田及铜锣湾CitySuper 今年亦有售呢！