玄米茶廳

营业中

休息中

今日下午茶时间同朋友一齐去左尖沙咀 广东道嘅玄米茶厅食个饭。餐厅装修光猛，4点几嘅时候仲好多客人。 餐厅用QRcode落单，都有实体menu睇，经典茶餐厅嘅粉面饭，焗饭，烧味都应有尽有，好多选择。我地叫左一个牛三宝幼面餐，配蚝油生菜。牛三宝炆得够入味，但唔会过咸，控制得唔错牛腩 肉质嫰滑，咬落有肉汁，唔会觉得干。牛筋 望落晶莹，熟度平均，保持到口感带少少烟韧。牛肚，炆到软腍入味之余，咬落唔会有渣，口感好嫰。汤幼面好爽口，份量足。蚝油生菜清新饮品叫左冻薄荷朱古力，朱古力够浓，饮落薄荷淡香，好清爽。另外叫左个茶餐 牛油果碎蛋沙律排包，好少见餐厅用排包做茶餐，大大份好足料，排包嘅甜香配上碎蛋同牛油果都几夹，味道唔错！餐加配 红豆冰，红豆极多，足料，系甜甜嘅港式味道。