穴 (世貿中心) (已結業)

上次去过穴食鱼生饭，无谂过朋友会对此念念不忘！所以今日去开铜锣湾行街，朋友又话想食多次。不过今次我就拣左要特上串烧御膳 ($218)，而朋友就要杂锦鱼生饭 ($158)一如以往，先送上沙律、前菜，虽然无咩特别，不过沙律菜新鲜爽脆，而且两者都酸酸地，令到我地非常开胃！串烧一共有十串，有肉、蔬菜同海鲜，会分开两碟上。大葱蒜烧得比较亁身，变得比较韧。相反冬菇外边亁身，入面就软腍腍。而鸡串、牛肉串就不过不失，但腌得非常入味！最正嘅莫过于系月见免治鸡肉棒，肉棒入面混入左一啲鸡软骨碎，增加整体嘅口感再蘸了生蛋黄，味道会更加香而另一碟就有盐烧鸡翼、牛舌、粟米、虾同多春鱼。鸡翼烧至皮脆，但一啲都唔油腻。牛舌爽口，但烧得㶶左少少。粟米、虾同多春鱼就普普通通，无咩太大特别。之后朋友嘅杂锦鱼生饭 ($158)亦都送到黎，卖相吸引。其中以吞拿鱼腩、三文鱼最为出色两者肥美软糯，实在令人回味而蟹籽同三文鱼籽亦不腥，因而增加左整体嘅口感！反而海胆刺身就略为逊色，腥味比较重，唔够入口即溶。呢个真系令到我地有少少失望其实餐厅嘅Lunch Set都几多选择，而且大部分用料亦都好新鲜，所以想食串烧、刺身都无问题，睇黎又多左