犀牛犀牛 (Wetland Seasons Park) (已結業)

工作时，经过天水围路，午餐食唔饱，去到4点几已经饿。见到有台式吐司，特别系芋泥肉松就即刻想试下。加埋佢个装修都唔错，好啱打卡。$35个吐司份量都够，做Tea做Lunch都得。如果加台式手摇杯饮料，都系$50几。芋泥甜度刚刚好，肉松唔会好咸，又香又酥，质感全部都系碎，唔会突然有粒大嘅要你𡁻。啲肉松系我食完两个钟之后，都仲有阵肉香味系口入面。真系唔错😘略嫌个蛋饼有啲薄。个吐司话系汤种面包。我唔知同普通面包有咩分别？🤔整体来讲真系好好。下次试下啲野饮。