犀牛犀牛 (Wetland Seasons Park)

营业中

休息中

間中會幫襯，因為嘢食係幾好味。不過偏貴，間中一次還可以，但最大問題係員工態度差，好多時入鋪落單員工匿廚房整嘢叫極都唔應，連講聲等等都冇。望一眼繼續做嘢唔理人，每次幫襯都係一個好差嘅經驗。即叫即整等等耐，要好有耐性同埋頂得順員工態度先好幫襯。

犀牛犀牛💛鮪魚吃玉米蛋餅 $42起司蛋蛋餅 $32白珍珠奶茶(少冰 微甜) $17*有得儲Mee積分💛 人均消費: $45.5 (2人)-鮪魚吃玉米蛋餅🌽🐠賣相冇咁好睇 因為佢感覺上冇咁足料 好幼🤣 吞拿魚偏向重黑椒 胡椒味🧂食到會有粟米🌽同埋有啲魚 同蛋 個蛋比較厚身 比較呈黃色🍳．起司蛋蛋餅🧀🍳比較普通 芝士同蛋 都正正常常好食芝士條偏幼身d 都幾流心芝士🧀都算厚 同埋重芝士味 仲有拉絲嘅感覺😝即叫即整 熱辣辣 都好正🔥唔係話整好咗 擺喺度好耐嗰啲 因為蛋餅暖笠笠 熱辣辣先好味😋．白珍珠奶茶(少冰 微甜)幾好飲嘅🤤3分甜係真係3分甜唔會比3分甜更加甜 或者完全唔甜即使3分甜 奶茶味都好夠🧋啲白珍珠食落去 都比較彈牙👻食落去同普通珍珠冇咩分別 但純粹個樣唔同個珍珠甜過杯奶茶🤣．提醒返 餅嗰啲有得揀：卷餅/蛋餅？🗣️卷餅同蛋餅嘅分別就係手抓餅同 有個蛋嘅餅🫓蛋餅食落去 個肚都會full啲😚·以上評價 同🐖一齊寫所以帶返頭盔先👷🏽 -29/5/2023 ate店內有唔同嘅優惠學生優惠最抵🤩但要對比下啲優惠因為有啲可能再抵啲嗰度有得坐低食🪑環境都幾好🥰幾舒服 有冷氣💨又唔同嘅畫🖼️-有興趣嘅朋

今日天氣跌到得返12度，平時好少過嚟濕地公園呢邊，發現wetland season park開咗好多唔同鋪頭，過嚟犀牛犀牛就要濕地公園輕鐵站落車後行3分鐘就到，都算方便。我地兩個人食咗酒店自助午餐後，諗住夜晚食返少d，一個餐兩個人食就啱啱好，不過要留意係不設堂食，所以我地買返酒店食。嗌咗個招牌捲餅，再加40蚊upgrade咗餐，包30蚊飲品、自選沙律、自選炸物👍非常豐富招牌捲餅 - 餅皮煙韌，味道足夠，略嫌有點油 ⭐⭐⭐⭐薯波 - 太硬，不太喜歡⭐⭐⭐抹茶紅豆鮮奶 - 有抹茶味，鮮奶略嫌唔夠味⭐⭐⭐⭐薯泥沙律配胡麻醬 - 薯泥夠creamy，菜夠新鮮，配胡麻醬一流👍⭐⭐⭐⭐⭐

今日終於happy friday好想攤喺梳化食好多野🤭一放工即刻嗌左外賣不過落好大雨等左成個鐘先到🥹幾年冇去台灣🗾真係好掛住台灣啲地道野食😫思鄉之選📍犀牛犀牛味道真係有似返台灣個味價錢就算係咁啦香港嘅台灣野都係呢啲價位✅起司蛋蛋餅+燒肉💰$38+10✅香脆薯波💰$26✅鎮店雞柳條💰$26✅凍白珍珠奶茶🧋💰$28雖然我自己一個食但我嗌左咁多野😂食完嗰下我個肚仔差啲爆炸💥好滿足🤭🤭

黑珍珠岩鹽厚鮮奶杯嘢飲真係勝在大杯我試過幾款 次次都好難飲呢款一啲鮮奶味都冇 黑糖又好淡唔知用咩牌子鮮奶 真係冇乜味飲落去都驚驚地招牌肉蛋（肉係豬肉嚟嘅）蛋餅都好講彩數一時整得好食 一時個皮真係整得好差今次就唔錯 但份量真係好少真係似M記圖咁 好呃人我食過幾款蛋餅鮪魚吃粟米蛋餅算係最多料&Juicy我建議改善下個包裝個袋係用奶茶袋個蛋餅打直咁放入去啲餡料好容易跌咗落個底度That’s why我永遠都會攞個碟嚟食

🦏 人氣台店犀牛落戶天水園犀牛Logo相當吸睛，係社交平台發現到唔少人推介﹗於是就去濕地公園前去試下﹗店舖主要售賣台式飲品及小食，主打捲餅，全部即點即製。我試咗招牌捲餅，捲餅 外層餅皮好脆口， 裏面餡料爆滿，唔好睇細細塊咁，好飽肚﹗見到前面果人叫巧克力棉花糖厚吐司，果樣好特別好吸引，吐司好厚身，面層有燒過嘅棉花糖 ，下次要試! 全部食物飲品即叫即整，好新鮮﹗大家不妨可以上網搵下邊間分店近自己，然後去試吓。

天水圍 - 《犀牛犀牛》📍天水圍濕地公園路9號Wetland Seasons Park地下6B號舖呢間台式吐司捲餅專賣店賣相好吸引(*´∀`)♪裝修包裝係藍白藍白好簡約💙🤍招牌肉蛋捲餅(💰35)捲餅係類似手抓餅咁煎得好香脆(๑･̑◡･̑๑)好有蛋香味，有肉有蛋好足料Mega combo set (+💰40)-白桃烏龍加寒天(+💰6)-迷你薯泥生菜🥬沙律-香脆薯波想食得豐富啲建議加個set🤣有飲品沙律同炸物！好滿足好多飲品選擇芋泥煉乳熱壓吐司🍞(💰34)吐司唔算好特別，比較細塊個包烘得比較乾身入面有好多芋泥🫶🏻加埋煉奶係幾甜下～當餐後甜品咁食鍾意佢個捲餅或者蛋餅多啲

話說前排無得堂食嗌過一次「犀牛犀牛」嘅外賣，覺得佢嘅出品都幾好，呢類台式食品喺大西北都真係比較少見！前幾日見佢新推出咗明治牛乳飲品系列，所以決定同男友再試一次呢間~ 🧡韓式泡菜起司豬蛋餅（$39）一打開聞落有啲似葱油餅，蛋餅煙韌，入面好足料！泡菜同蛋餅好夾，整體味道偏重，重口味愛好者必食！ 🧡XO醬辣小魚肉蛋吐司（$45）吐司軟綿綿好有彈性，XO醬辣得嚟好香，夾埋個半流心既濃厚蛋液超正！ 🧡芋圓波波芋頭奶（$44）用咗明治牛乳個奶味就係香！芋圓波波煙韌有咬口，芋泥個味都好出，推介！ 🧡芋圓波波抹茶鮮奶（$42）抹茶味出但唔會苦澀，芋圓波波同樣都係煙韌有咬口！

外賣APP落單嘅預左貴小小，不過真係一文不值但係不論係蛋餅同吐司都真係搞唔掂 蛋餅唔香脆，牛肉質感似紙皮，肉鬆完全冇香味吐司得直徑3cm 有烘過，而且不論係食材選擇同埋煮出黎嘅味道都好冇心思珍珠奶茶淡到似似奶溝水加10分1個茶包香香雞塊原來係麥樂雞啊～薯波原來係迷你硬版薯寶(細粒過北江免費嘅配料沙律醬應該係史無前例嘅難食：醬質感嘅油，味道純粹係油唯一正常嘅食物係鮮奶底芋圓，足料多款式。唯一有得讚嘅真係個包裝，好靚。小心中伏！

睇左好多食評關於犀牛犀牛都系麻麻地，今日經開呢頭就搵個機會試一試啦。店舖裝修簡約但幾靚，適合影相打卡，可惜冇堂食位置。價錢方面，因為黎之前有上過op 睇其他人post既menu，但發現價格又高了一點，應該了加了價吧。行去cashier準備落單，很多款產品都停售叫了最基本既肉鬆蛋餅，加$20要了一杯伯爵奶茶。蛋餅味道方便正正常常，呢個配搭基本上好難出錯，中間夾了幾條青瓜絲，爽爽脆脆，但我覺得口感其實唔太夾。反而奶茶有驚喜，挺香，不澀，滑。蛋餅比想像中細份，食完唔太夠飽，下次可能會加$40轉套餐。不過$33一份肉鬆蛋餅，價格偏貴了一點…

劣評，唔知點解比唔到劣！外賣app嗌過好多次，味道唔算好好，但我鍾意個薯餅捲餅，所以都成日嗌。最近加左價唔緊要。次次都係叫既薯餅捲餅，今次送到黎，平時完整一塊既薯餅捲餅，而家薯餅得番1/3塊！！！+$34飲品，半杯都係冰！！！真係唔覺得太過份？？其實平時其他野食都係好少料，今次直情直接減一半料，洗唔洗賺到咁盡？你賣得飲食，最基本比番合理既份量掛。咁樣做生意，即係唔想要回頭客啦！愈黎愈少客果陣真係唔好問點解。買過幾十次，唔會再買

本身充滿期待，換黎只有失望 芋泥肉鬆蛋吐司吐司烘得唔夠脆芋泥味好淡 肉鬆都好少😐睇其他人啲相份量都係多到爆出黎炒蛋熟度既控制可以更好 起司蛋卷餅份量感覺好細 味道冇咩特別🤔整體冇特別😐伯爵歐蕾 唔知係咪叫左半糖所以味道好奇怪 可能叫全糖會好啲🤔 睇相明明係奶一層茶一層 但出到黎就😐應該叫番珍珠奶茶好過🤣 白桃烏龍味道幾fresh 有啲桃粒咬下 幾過癮 🤪野飲做到真真正正既少冰😨 讚👍 總括黎講有啲失望 依個價位會有更好既選擇 希望小店會繼續努力 改善出品💪————————————————————

疫情關係，都會盡量買外賣～下午茶好肚餓就喺濕地公園附近搵吓有咩食啦～ 想飲台式飲品又想食小食，但係叫外送分開兩間店運費又好貴😥 咁岩見到呢間台式小食店💛又有飲品又有小食就即刻試吓啦～～～美式炸連皮薯條薯條本身係調咗味，香脆內軟，好有口感👍吮指辣雞球佢嘅設計係一口一個，外送嚟到都仲係好脆！啖啖肉真係好惹味😆正😆起司蛋卷餅 +粟米卷餅份量都幾大，愛送嚟咗係有少少淋。但味道來講仲係台灣嘅感覺，係煙靭嘅蛋餅簡直冇得輸😆凍白桃烏龍（推介）見佢呢一款係推介，佢可以連埋蛋餅係一個套餐😆 飲品嘅白桃味好香，好解渴😆 配埋炸物食簡直係絕配👍 飲品嘅包裝係青花瓷圖案，好特別，感覺好清新～今次為咗免運費就分開咗啲小食嗌，如果多啲人奶或者自取佢有套餐係蛋餅+小食+飲品，會抵食好多！而且飲品外觀咁靚，又好食都值得買來打下卡👍 同行嘅朋友已經mark定呢間話要翻叫啦👍

話說最近禁堂食夜晚無得出去食，天氣又好凍唔想自己煮，唯有係嗌外賣啦~ 天水圍嗌外賣又有咩好選擇呢？男友喺美食平台度發掘到間新開張嘅台灣過江龍食店「犀牛犀牛」，主打台式蛋餅同吐司，感覺好似唔錯，所以決定嗌嚟試下~ 其實呢間「犀牛犀牛」唔止天水圍有，沙田、中環、大角咀、香港仔都各有分店，想試嘅朋友仔都可以搵返方便就腳嗰間試~ 🧡捲餅套餐（$102）🔸韓式醬燒牛五花捲餅捲餅送到過嚟都仲係熱辣辣~餅皮微脆乾身，好重蛋香，入面包咗好多牛肉餡，份量十足，牛肉食落新鮮，調味恰到好處，正！ 🔸芋泥生菜沙律芋泥配生菜沙律呢個配搭都幾特別，食落都幾夾，健康又好味！🔸香脆薯波薯波送到過嚟都仲係好脆，外脆內軟，好香口！🔸凍伯爵歐蕾伯爵歐蕾個人就麻麻地好，偏甜！ 🧡花生醬培根起司蛋餅（$38）花生醬、培根、起司呢個配搭都好正，整體偏鹹香，但味道層次豐富，好食！整體來講，CP值好高，本身價錢都唔算貴，仲額外有75折！咁多野食折完之後先至$105，真係好抵食~推介推介！

天水圍站📍犀牛犀牛-放假凍冰冰又唔想出街，都係外賣最方便🧋起司薯餅卷餅套餐（$46.5）朝早未食早餐，呢個卷餅份量比想像中大，呢個配搭好難會唔好食😹餡料就好似個名一樣，起司同薯餅，如果可以有d醬汁會更惹味，之前去台灣食會有埋生菜，感覺冇咁膩🤪跟餐要左杯店舖推薦嘅凍伯爵歐蕾，因為第一次飲，唔知有幾甜，所以叫左少甜（少25%），一飲落去極甜！建議大家下次要微甜（少75%）😹野飲用左明治奶，好滑，配埋伯爵茶香其實好夾，但因為太甜所以冇辦法試真d😹(以上係女朋友意見，佢淨左半杯比我飲，我都覺得好夠甜😹，洗唔洗微甜就自行決定）起司蛋吐司套餐（$40.5）可能我對呢個吐司有expectation，但黎到就好似啊媽細細個準備嘅芝士蛋夾麵包😞有少少失望。如果麵包有烘過，成個感覺會脆身好多，如果有埋醬汁成件事都會唔同左😹跟餐要左店舖推薦嘅凍爆谷奶茶，呢個冇得揀甜度，飲落冇味，好淡，打開個蓋會聞到香甜爆谷味，但飲落冇味😹好極端啊媽咪🥲熱春芽奶綠（$21.75）呢個要左少甜（少25%），朋友加左4、5次水都話好甜，聞落好香，但甜到糖尿上腳，其實唔係好試得真個味😹係外賣app叫全單有75折，折左個價就ok嘅，