滿小館

营业中

休息中

食得寿司多，都想食下啲养生野，今日book左呢间私房菜，真系超高质。好，坐低睇下有咩好食先。松茸淮杞炖螺头，首先整个养生汤生，螺头个鲜甜味岀晒汤，仲有松茸，饮完直头补中益气。上汤加拿大龙虾伊面，龙虾肉大大旧，加$30蚊就有伊面底，份量超多，隔离枱见到问我地叫边款，仲话好吸引添！蒜蓉粉丝蒸元贝，元贝大只新鲜爽口，粉丝好入味。火焰古法烧腩叉，玩火的叉烧，叉烧食落暖暖地，㶶边既蜜汁味超正，叉烧肥既地方都系爽脆的。蟹肉扒时蔬，又肉又有菜，个蟹肉蛋白煮得好靓，浓稠度挂满条条菜。脆米柚子蜜虾球，呢个特色菜，虾球表面炸脆，里面虾肉弹牙，岀面个柚子蜜汁甜丝丝，下面仲有脆卜卜脆米。