三原 (已搬遷) 新店位置

见食评上面咁多好评，谂住试吓呢一间！当晚两个人叫咗个1288/人 set dinner, 有龙虾鲍鱼同埋和 牛。入到去𠮶样嘢都冇问题，摆盘非常之精细，点知去到龙虾，入面系冇煮熟，同左个经理反映左之后表明唔需要赔偿！但系希望下次可以将个龙虾煮熟啲因为根本上系咬唔开！咁一开始佢哋都表明要再赔偿返一只但系我哋都决定唔要啦！除此之外炒饭一浸油未唔好食！食完个炒饭之后佢先将个面豉汤同埋配酱菜，好明显服务上有缺陷，个炒饭上咗超过5分钟人地已经食完先俾个酱菜你配饭。都唔紧要！买单嘅时候个经理话俾咗个九折，赔偿返个龙虾嘅缺陷，点知佢最后同你讲一句：如果你下次个龙虾需要全熟嘅话同我哋讲返声？what?铁板烧龙虾可以要半生熟㗎咩？真系非常之差劣！呢个价钱同埋呢个服务简直系垃圾,奉劝大家下次去呢度食龙虾记住同佢哋讲你要几成熟！