影片
更多
2011-03-09
326 浏览
生日食咩好? 有谂过食日式放题, 有谂过食意大利菜, 最后佢提议食我提过几次的芝士龙虾伊面. 我想起呢间食过几次而觉得味道及价钱都唔错的酒家.两个人来到酒楼, 人客不多, 所以亦不觉吵嚷, 两个人坐左张四人圆枱, 很松动舒服, 坐下巳见到餐牌上有个芝士龙虾伊面配梅菜扣肉亦不过二百几元, 再要一个晚市特价菜式----蒸鱼, 男友本来还要继续点, 但我怕到时眼阔口窄, 始终芝士伊面都几饱肚, 所以制止左佢.点左菜不久个梅菜扣肉就上枱了, 上菜速度惊人, 可能呢d菜式一早巳弄好吧, 我夹左小小梅菜试味, 梅菜小小甜, 难得是食落口无沙, 整道菜味道唔错, 肥猪肉位得好淋, 但廋肉位就差少少, 再淋少少就更正. 再来的蒸鱼细细条, 始终是套餐, 当然不能要求太高, 但条鱼就过左少少火位, d鱼肉有d嚡, 因为男友唔食鱼, 所以我自己一个人ko左.噔~噔~噔~ 主角永远都系最后出场, 等了又等, 芝士龙虾伊面隆重登场啦~~ 侍应姐姐果然无讲大话, 真系有一只龙虾, 虾肉爽口, 芝士味不太浓, 不过伊面淋左少少, 我食左二碗, 其它都交给男友去完成. 但佢将龙虾肉差唔多全部塞入我碗中, 当然又免
两个人来到酒楼, 人客不多, 所以亦不觉吵嚷, 两个人坐左张四人圆枱, 很松动舒服, 坐下巳见到餐牌上有个芝士龙虾伊面配梅菜扣肉亦不过二百几元, 再要一个晚市特价菜式----蒸鱼, 男友本来还要继续点, 但我怕到时眼阔口窄, 始终芝士伊面都几饱肚, 所以制止左佢.
点左菜不久个梅菜扣肉就上枱了, 上菜速度惊人, 可能呢d菜式一早巳弄好吧, 我夹左小小梅菜试味, 梅菜小小甜, 难得是食落口无沙, 整道菜味道唔错, 肥猪肉位得好淋, 但廋肉位就差少少, 再淋少少就更正.
再来的蒸鱼细细条, 始终是套餐, 当然不能要求太高, 但条鱼就过左少少火位, d鱼肉有d嚡, 因为男友唔食鱼, 所以我自己一个人ko左.
噔~噔~噔~ 主角永远都系最后出场, 等了又等, 芝士龙虾伊面隆重登场啦~~ 侍应姐姐果然无讲大话, 真系有一只龙虾, 虾肉爽口, 芝士味不太浓, 不过伊面淋左少少, 我食左二碗, 其它都交给男友去完成. 但佢将龙虾肉差唔多全部塞入我碗中, 当然又免不了一轮争夺战, 人地系争食, 我们就刚好相反, 两个都推俾对方, 但我要重新申明, 佢所谓的公平一d都唔公平, 我三旧全部都系啖啖龙虾肉, 但佢碗中的三旧却全是壳.
食完饭当然唔少得食埋碗糖水---红绿豆沙, 我两碗都试过, 全部都煲到起沙, 而且味道都好好, 同出面糖水舖买的一模一样, 并没有因为是免费的而水汪汪.
最后我祝自己生日快乐, 永远健康开心! 当然亦希望身边人都开心快乐! 老土些都要讲句: 希望世界和平!
张贴