胡爐 (已結業)

终于到了旧同事聚旧嘅日子～我地每次都会去打边炉，3个女人不停倾倾倾同食食食～好鬼开心！今次拣左胡炉，喺铜锣湾耀华街嘅上楼餐厅🍲我地系为左食个靓靓汤底而黎嘅！中式装潢，我地3个人咁啱book倒间房仔坐，座位舒适。原来其余座位都有间格唔驶望倒隔离枱又几好㖞！ 🔥🦞火焰龙虾海鲜火锅🍲 $398 极香浓嘅西式龙虾汤底，少左奶油味，多左海鲜甜味！店员即时喺锅度将龙虾同蚬一齐炒一炒！🔥好大火好有气势呀！一路炒一路睇住只龙虾郁郁下！炒完立即加入特浓嘅汤再煮多阵就饮得！龙虾劲新鲜鲜甜，连个龙虾蚶都咁鲜甜肉多！超好味！卜卜蚬肥大肉厚！啖啖海鲜肉同龙虾汤好夹！我地每人饮左两大碗就加入番茄汤开始打边炉！🥩手切顶级安格斯肥牛 (小)$228 安格斯肥牛肉味浓有肉汁，肥瘦均匀，厚薄适中，啱哂打边炉！推介！🔔紫菜炸响铃  店员话即点即炸！果然系必点之选，炸得好酥脆！完全唔油好香！夹埋紫菜一齐炸劲香口惹味！