御鐵

营业中

休息中

去開銅鑼灣交收貨品，朋友介紹御鐵-鐵板燒好正，有龍蝦和鮑魚食聽到都口水流。13樓一出𨋢就係好方便，仲可以坐吧檯添，還可以近佢嚟睇廚師烹煮，好正。環境佈置寬敞又整潔好舒服，侍應生好友善服務又好細心，選擇二人套餐晚餐。極上和牛套餐(二人)$1198西柚蝦沙律 ~杯好精緻配上柚子醋很開胃，準備進入美食啦。龍蝦和南非活鮑魚 ~好大隻龍蝦啊！鮑魚生生猛猛鬱下鬱下， 絕對超新鮮，望見都口水流。師父將整隻龍蝦開邊，手勢純熟，配埋蝦膏海膽汁，煎得好香龍蝦肉好肥美啖啖肉。鮑魚好新鮮好肥美又厚肉鮮甜，先食它的原味再食配製嘅醬汁，兩種口味都一流。👍牛舌厚燒+和牛薄燒配牛油炒雜菜 ~牛舌爽口味濃，薄燒內裡有蒜片和蔥，好 軟滑味濃但不覺油膩。日高昆布蜆湯 ~昆布本身有鹹味，蜆亦都有佢嘅海水鹹味 ，成個湯都好鮮甜，好好飲。海膽海鮮炒飯~炒到粒粒金黃，海鮮豐富仲有海膽添，我竟然食曬成碗。👍蘋果汁和三得利啤酒~我選了蘋果汁濃郁蘋果汁味好飲，三得利啤有麥味有酒味又有黑啤味，三種味配搭香甜可口。甜品~抹茶與薑味甜品抹茶有紅豆我就最喜歡，薑味辣辣地都幾特別，好食的甜品。