真秘鍋 (已結業)

新年同屋企人食团年饭，大家都想食打边炉，啱晒依家凉凉地嘅天气，所以今晚齐齐去咗旺角嘅真•秘锅。店内有独立房间又可以唱K，环境舒适，好适合一家大细嚟食饭倾计。因为朋友之前推介过真秘锅个招牌龙虾锅，今次提早两日同餐厅沟通，决定订一个off menu豪华版龙虾锅，果然冇令人失望，大家都好惊喜，超丰富呢！汤底系鲜橙色， 有3只超巨型龙虾喺上面好足料，而且汤底龙虾味香浓，饮落重好鲜甜。A蚌象拔蚌刺身除咗打边炉之外，呢度都有新鲜刺身可以黑，我哋叫咗象拔蚌刺身，象拔蚌好爽口，食到停唔到口。牡丹虾刺身牡丹虾同样都系好大只好新鲜，入口好弹牙。椒盐虾头食完牡丹虾刺身，餐厅仲可以帮我地拎虾头去整椒盐虾头，炒过之后虾头超级惹味！特级牛小排打边炉叫咗碟特级牛小排 ，雪花纹理清晰，轻轻一煮就食得，牛肉口感嫩滑而且牛味重，属于高质。餐厅服务一流，店员好细心讲解每道食品，令到我有宾至如归嘅感觉。