龍麵館 (已結業)

偶然路过万宜大厦 于是走入嚟试下 下午茶龙虾点心。 场地好深，比想像中大 应该坐到200人以上。首先叫咗个龙虾酥 因为份量唔细 服务员好好心地唔使我叫两份。 馅料唔算太熟，比我想像中松软，少咗龙虾肉𠮶种弹牙嘅口感。跟住试龙虾春卷 春卷好大份 陷中间有少量龙虾肉 终于真系试到龙虾嘅口感同味道 都几好 好有豉油味。春卷皮好酥脆 馅料有好多菇片椰菜，都几好食。再嚟系 半虾半蟹饺 三只都好大只，里面全部系虾肉同蟹肉 口感爽弹 味道一般。再叫咗个温泉蛋加萝卜糕 萝卜糕中间留咗个窿 放到只好大只嘅温泉蛋 温泉蛋蒸得几好 萝卜糕就还可以 面头好多 脆虾米 都几松脆。最后试咗个推介嘅甜品 雪燕龙珠 用个干冰壶载住 好多烟。 龙珠好大粒 服务员话系日本啫喱 旁边啲 水啫喱 甜甜地都几好味。下午茶系餐牌嘅7折 要加一 ，茶水19蚊 冇得七折。