影片
更多
2008-12-09
28 浏览
师傅约左一位好耐冇见嘅朋友"花姐"出黎食饭, 而地点佢就拣左呢间食店, 师傅起初都不以为言, 点知见得闲又上黎望一望啦, 发觉劣评如潮, 然后心谂唔系咁大整蛊呀? 不过既然都约好喇, 就豁出去试一次啦!师傅知道订左枱, 由于早到所以去攞位先, 当攞位时, 个侍应话要两小时后交枱, 黎cafe要两个钟反后交枱, 呢个举动师傅都系第一次听, 不过是但啦, 入左去先算啦!等左一阵花姐都到喇, 于是第一时间睇下有咩好食啦, 师傅同花姐讲呢间食店口碑麻麻, 花姐就话以前都几得, 既然系咁等师傅试下, 系龙系虫一试就知啦! 花姐份人好鬼懒, 连食都懒得谂, 好彩撞著呢个为食师傅, 于是师傅就拣左两个主菜, 一个系地中海式海鲜奄列意粉, 另一个就系千岛小龙虾薄饼, 两客都系晚餐, 有餐汤, 甜品同餐饮!等左一阵就有得食, 打头阵嘅有餐汤, 餐汤系忌廉粟米汤, 汤底唔稀唔杰, 味就咸左少少, 但粟米都几爽甜, 可以啦; 轮到试地中海式海鲜奄列意粉, 话明系奄列意粉, 点解d意粉会喺奄列嘅面头呢? 师傅都觉得有d奇怪, 再讲海鲜淡而无味, 意粉亦是如此, 师傅好勉强咁撩左几野就放弃喇; 到千岛小龙虾薄饼
师傅知道订左枱, 由于早到所以去攞位先, 当攞位时, 个侍应话要两小时后交枱, 黎cafe要两个钟反后交枱, 呢个举动师傅都系第一次听, 不过是但啦, 入左去先算啦!
等左一阵花姐都到喇, 于是第一时间睇下有咩好食啦, 师傅同花姐讲呢间食店口碑麻麻, 花姐就话以前都几得, 既然系咁等师傅试下, 系龙系虫一试就知啦! 花姐份人好鬼懒, 连食都懒得谂, 好彩撞著呢个为食师傅, 于是师傅就拣左两个主菜, 一个系地中海式海鲜奄列意粉, 另一个就系千岛小龙虾薄饼, 两客都系晚餐, 有餐汤, 甜品同餐饮!
等左一阵就有得食, 打头阵嘅有餐汤, 餐汤系忌廉粟米汤, 汤底唔稀唔杰, 味就咸左少少, 但粟米都几爽甜, 可以啦; 轮到试地中海式海鲜奄列意粉, 话明系奄列意粉, 点解d意粉会喺奄列嘅面头呢? 师傅都觉得有d奇怪, 再讲海鲜淡而无味, 意粉亦是如此, 师傅好勉强咁撩左几野就放弃喇; 到千岛小龙虾薄饼, 其实唔讲都知边有小龙虾, 只不过系虾仔, 不过虾身都算爽口, 而薄饼就真系名乎其实嘅薄饼, 薄薄嘅饼干系咁易烘下佢, 真系唔掂, 好彩呢个薄饼有千岛酱, 所以味道够入到口, 不过都系唔得!
餐饮师傅拣左青苹果绿茶, 皆因心谂呢d衰极有个谱啦, 点知师傅真系估唔到仲有得衰嘅, 青苹果绿茶里面放入几片切左嘅青苹果, 卖相绝不讨好, 而味道的确系有青苹果味, 但唔知点解绿茶系苦嘅, 基本上都几难饮, 失败; 而甜品就系哈密瓜果冻, 净系睇个样已经觉得唔方好味得去边, 试一啖后师傅已经投降, 药水味甚浓, 绝不好味!
总括黎讲食物质素甚差, 绝对唔合格, 而环境幽暗, 好似好有情调咁, 服务就一般, 好多时都揾唔到个伙计, 价钱唔见到平㖞, 埋单一百八十五, 唔抵食; 黎cafe食饭都系贪佢坐得够耐啫, 点知呢度只提供两小时, 有d揾笨; 好彩花姐都觉得呢间野退步左好多, 而食物方面师傅已经系柯打佢地嘅推介, 如果唔系一定仲差; 笑脸绝对绝对绝对唔会比, 亦冇可能再黎!
张贴
