名 料理 (已結業)

去完龙尾滩玩完水，夜晚行去龙尾村路旁发现日本菜！见间野几chill下，有户外室内座位，装潢都好有日本vacation feel，咁就去试下啦！我地叫左个特盛海鲜锅，上枱个盆份量仲多过餐牌张相，有好多种类海鲜！还送三色刺身，另外再叫左鸡泡鱼干同炸芝士年糕。海鲜锅每样海鲜都好新鲜，店员还推介我们先放鱼头鱼骨放落汤中淆，令原本已很甜美的鱼汤更加浓郁。时令鱼超级滑同有鲜味，真心推介。厚切刺生，新鲜，送都有咁既质素，每啖都好有口感，又有鱼油香味，真系好惊喜！鸡泡鱼干好厚肉，烧得好香口，愈𡁻愈好味！送酒小食一流。最后，话系「隐世」，但其实好方便，系龙尾村村口牌坊旁，而且有停车场，消费可免费泊车。亦可以由龙尾滩沿马路一直路行唔驶5分钟。地点方便，但就有宁静隐世feel，都几适合情侣或一大班朋友坐户外饮下清酒。食物真心推介，用心制作，食材新鲜，侍应又好乐意介绍每道菜，有倾有讲，更加有日本居酒屋风味！