Day and Nite by Master Kama (已結業)

朋友话带我食龙虾包，其实我最初唔知食边间，只系话旺角站等。之后过到黎，突然"哦" 左一声，原来系我以前都几常帮衬既日式餐厅既原址，估唔到咁就易左手了...内里既格局仲系同以前一样，不过我记得以前黑色系主色，而家就蓝白色为主。一心黎食龙虾既我地，拣左个龙虾汇餐，再叫d 野饮咁。石锅饭最先黎，有只大大只龙虾插左系度，好吸引呀！个汤因为有龙虾汁，所以偏橙色，连埋佢dum 重本摆好多海鲜入去整，味道浓郁。因为d 饭吸晒d 汤汁，净系食呢个都已经饱饱地...但龙虾包都未食唔好俾佢停！个龙虾包d 肉多到突晒出黎，粒粒饱满，同埋最紧要方便唔使剪黎剪去，一啖咬落去好正呀...如果平时早餐d 面包都有得夹只龙虾你话几好呢...？另外果个蒜蓉烤龙虾都唔错既，会多左种烘焙过既镬气，加埋d 蒜蓉真系好香。同埋d 薯条都几好食，最初我以为有两只唔同煮法既薯条，觉得深色d 果只特别好食，然后才被朋友告之其实果d 系番薯...最后点左杯unicorn dream，系drink menu 既推介饮品！见人地台都有点。卖相好靓呀，饮落原来系提子味沙冰，正好解一解d 热气呀！