D. H. Crab (已結業)

寻日咁岩睇openrice 介绍龙虾包，见到呢间价钱相对较便宜又未食过龙虾包就黎试下，星期日既七点几，夜晚黎到侧鱼充揾食，条条街都静英英，找左一阵原来间既就正正起眼前，佢个招牌真系唔多起眼，入到去都系坐左一枱人。我就叫左一个龙虾包同蟹包餐。等紧既时候都好期待，闻到阵阵牛油香黎到先饮左啖忌廉汤，汤不是平时饮开果种忌廉汤，唔识形容，有啲蟹肉碎同微小既辣味。开头唔多岩口味，但饮饮下都又觉得ok,不过略嫌唔够热。饮完啖汤，先食蟹包，刚好同男朋友一人一半，一啖咬落去，蟹肉味道偏淡不够鲜味，有啲失望，不过不得不赞佢个包真系烘到岩岩好超松软，但唔知系咪我果旧啲料比较小，食到底剩番一大旧剩包，个酱汁系带酸的沙律酱？，感觉酱汁有点单调，味道唔够精彩，如果剩系个包配蒜蓉真系就perfect!之后试龙虾包，虾肉都几多又弹口，味道比蟹鲜味，不过可能一人食一半既关系有啲唔够喉试唔真既感觉，如果想去食既朋友，我建议真系一人独吞一个较好。我个人认为未试过既朋友可以一试既