龍門冰室 (已結業)

今日初三同女朋友去左黄埔个边行商场跟住顺便揾饭食医肚。因为仲系新年假，唔多餐厅营业，但我地好好彩揾到龙门冰室食晚饭。冰室内面人头涌涌，店员都忙过不停。我地叫左咸牛肉芝士玉子烧套餐配炸虾和捞丁 (HKD 55)同埋牛油带子意粉 (HKD 72) 。另外我们再加多一个时菜(HKD 12)，有西兰花同生菜，我地就要左生菜 。先黎既系玉子烧套餐，我同女友都非常惊喜，因为卖相唔错同分量系非常大。 玉子烧非常嫩滑，而且内涵十足 有劲多咸牛肉同埋芝士在内， 口感同味道唔错。炸虾有3只，炸得几爽口，唔油腻。 捞丁系我既至爱，同玉子烧非常配衬。另外，仲有沙律菜伴住，健康得黎，又可以点缀下个餐。至于个意粉，蒜蓉味香浓，作为蒜蓉控既我都感到满足。带子有好多只，而且都唔细架。仲有沙律菜，洋葱同埋沙律，非常健康。个生菜几新鲜，点埋佢地既秘制酱汁，味道唔错。至于餐饮就叫热柠蜜同热柠水，味道不过不失。