三藩市牛扒屋 (已結業)

早两日突然间好想食steak 就同老公两个人走左去食!! 我地order左焗薯皮，龙虾汤，罗宋汤，一客steak同埋两杯野饮!! 个薯皮就一般啰。。。似焗薯仔多过似薯皮。。。两个汤都几好个龙虾汤就真系有龙虾味既。。。但系到个steak一上台就大件事。切第一下已经知道唔得。。。我地要5成佢整到7成有多!! 咁我地咪同个waiter讲。。。话我地要既系5成啰!! 个waiter哥哥唔知系心情唔好定系乜野乜都无讲就拎左我地碟扒。。。转头出番黎就话"师父话呢个就系5成啰㖞!!" 讲完未等我地比反应就走左!! 我同我老公就无再掂过碟野原先都谂住再嗌其他野但系佢比我既response 我觉得已经无必要再试其他野啦!! 等个经理行过我地嗌埋单点知连个经理都无打算问下我地点解唔食碟steak就要走!! 无野讲啦!! 净系咁都食左600几仲要有attitude既。。。唔会再去啰!!