Ideas Dessert (已結業)

见到OPENRICE好多呢间甜品店既好评，所以揾次晚饭后同家人黎试下。当晚黎到先知道原来店面好细，枱要放到餐厅出面。我地都等左约十分钟先入到座，系出面行下既时候见到旁边都有间韩食小店，好似试得过啵。呢间店既甜品选择好多，以店面同厨房面积咁细黎讲，每款食物都处理得真系唔错。杨贵妃系典型芒果甜品。相比之下，翡翠冰岛同紫薯心太软真系好有惊喜。翡翠冰岛上的软雪糕系重点，我谂下次会单要抹茶软雪糕唔要云哩嗱，因为佢既抹茶味真系好浓，亦好重牛奶味。唔知佢系自己整，定边个牌子架呢？而紫薯心太软亦好食过好多其他出名既店，因为佢既时间同粉处理得好好，所以流心稀稠度系无得挑剔，相信呢间店既其他心太软质素都好好！读大学时，学校附近都有好多呢类高质素小甜品店，我同朋友好钟意帮衬佢地，尤其系因为有时师傅会问我地既意见去改良食谱，作为食客我地觉得有被聆听感觉好好。就算而家，我都经常继续支持呢一种小店的，尤其系我既生活中真系唔可以缺少甜品。但我望住呢间店既枱开到店外，无哂位再开，而且座位真系逼到郁唔到，我就系度谂，究竟呢间店应该继续只此一家，定快D揾地方expand呢？如果选择左后者，会唔会系不久既将来发展到好似糖百