Prompt Bistro (已結業)

放一日平日假，同女友揾吓边间食 buffet，咁啱系某个App见到有折，亦谂紧都可行吓数码港，就决定咗黎呢间。呢度真系了无人烟，不过几舒服嘅，啱哂我呢啲有人群恐惧症嘅人😆 入到餐厅，唔算大，环境都唔错，就咁第一眼睇啲食物，好似都唔错，甜品种类都几多，但可惜无雪糕😕坐下来时已有一大枱人开始食紧，所以我哋坐一坐就一齐出去拎嘢食。沙律都好多款色，我都好钟意，第一眼见到都几开心，点知有只小蚊滋系到飞，当时无为意，有一、两只就算啦。 沙律都算唔错几好味😊跟住去热盘⋯⋯好似少咗啲㖞，都无咩拎添，但都叫做有只上汤龙虾蚶，有牛、有羊、有啲菜，但味道都系一般🙈 好彩，有个档系即煮意粉，都几好味，够热够香😊到甜品，噢！又有蚊滋😠 仲唔只一两只，点解会咁㗎😑😑 唯有尽量拣啲好似无蚊滋围住飞个啲⋯⋯饮品除了有任饮嘅普通咖啡，柠水、柠茶外，都可再叫一杯饮品，我哋就叫咗cappuccino.. 都不错嘅😊最后⋯⋯你哋睇下只蚊滋⋯⋯🙈😖