一杯屋 (已結業)

中午时分去左铜锣湾做野，想揾间日本野食下鱼生饭都唔系咁易，间间都好多人要等位，好彩比我地等到哩间一杯屋！一坐低店员就递上一条热辣辣既毛巾俾我地抹手，再加一杯热茶，感觉店员服务好周到！一心谂住食日本野就系想食鱼生，所以我就叫左个一杯屋特选鱼生饭。佢个饭份量都几多，食到最后都食唔哂！一共有四款鱼生，立鱼、赤虾、三文鱼、八爪鱼，刺身都几新鲜！定食仲有面豉汤、沙律同埋蒸蛋！我个同事叫左极上炭烧牛舌定食，睇落系极吸引，佢俾咗几块牛舌我试下，我觉得哩度既师傅烧得哩个牛舌恰到好处！个牛舌做到外脆内嫰！佢个牛舌定食有一个好特别嘅山药，之前系日本试过，日本人觉得山药对身体好有益，所以会用黎捞饭食！