富東閣海鮮酒家

营业中

休息中

喺而家晚市禁堂食令下, 唯有晏昼食饱啲, 所以就饮茶食包包食饱啦! 指定动作之后, 职员安排入座, 职员随即喺煲紧嘅滚水入面拎啲热辣辣嘅碗碟奉上,  唔会将啲碗碟放晒喺枱面, 咁样比较卫生。我同 P san 两个人, 点咗 6 个点心, 包括有我哋都钟意食嘅马拉糕同叉烧包, 另外, 仲有咸水角、菜苗饺、凤爪同埋药膳凤爪 (因为太饿, 一上枱就食, 唔记得影相 😅) 马拉糕好松软, 而且又有少少奶香, 好味;  叉烧包偏甜咗少少, 不过有叉烧香味, 系唔错嘅; 菜苗饺入面只虾爽脆, 而且有些少虾嘅鲜味, 估佢唔到; 凤爪方面就唔算太腍, 但都入味, 唔错; 最后系个药膳凤爪, 喱个有少少惊喜, 有香浓嘅药材味, 最突出系当归味, 而凤爪又腍又入味, 值得一赞 👍富东阁嘢食嘅味道唔错, 而且啲枱隔得开, 唔会坐得迫同唔舒服, 可以 hea 下, 系食 tea 嘅一个唔错嘅选择。