朱哥古早味蛋糕

营业中

休息中

呢间大桥街市附近呢古早蛋糕店，口味相对比起其他大部分嘅古早蛋糕店嘅十几二十款要少，只有六款，分别系原味、黑糖核桃、流心芝士、伯爵茶、朱古力同抹茶红豆。佢哋可以一盒双拼，方便客人可以一次试多啲唔同口味。于是我拣咗原味、黑糖核桃、抹茶红豆同朱古力。蛋糕外皮完整，食落有小小焦香味。蛋糕湿度啱啱好，令到口感松软Q弹。个人觉得黑糖核桃最好食，因为黑糖有独特嘅香甜味，而粒粒核桃又丰富咗口感，增加咗甘香。原味虽然相对普通，但蛋香味浓，系最简单原始嘅味道。朱古力味都好浓郁，中间夹咗一层流心朱古力，有啲食紧心太软嘅感觉。抹茶红豆无论口感颜色还是营养上本来就系绝配，清新嘅茶香配香甜嘅红豆，用嚟做古早蛋糕当然都系冇得输。