Boy n Burger (已結業)

湾仔新开汉堡店－装修格局还原美式快餐店，Logo抢眼又有得意嘅Bobby Boy，啱啱开张午饭时间仲出现人龙，个个都想嚟试下依度嘅Burger兼打卡呢～餐厅用开放式厨房，叫完餐后可以望住员工制作，即叫即整包新鲜热辣，食物质素有保证👍🏻Cheese Burger系Classic嘅味道，软熟嘅面包夹住芝士、生菜、蕃茄、洋葱、酸瓜，重点嘅汉堡扒用经天然海盐洞熟成、不含抗生素嘅纯英国牛肉，肉味浓有肉汁，以亲民价钱食到优质食材真系平靓正！Signature Chicken嘅份量更足，面包有阵牛油香，招牌金黄炸鸡劲Juicy，同蛋黄酱好夹！加钱转套餐就可以有埋bottomless drinks同指定小食－炸薯粒热辣辣唔点茄汁已经好好味，Kpop韩式炸鸡粒就几惹味。除咗汉堡外仲有炸鸡－依份三件炸鸡有齐鸡腿、鸡翼同鸡柳，店员推介招牌调味更香口，不过都系汉堡入面𠮶块出色啲。边谂到去汉堡店都会有维记雪米糍食🙈 依度仲要有好多特别味道，蕃薯味同街边烩蕃薯真系好似架🍠