合十 (已結業)

都系无聊随手睇吓开饭有咩新舖……手机碌嚟碌去，就见呢间「合十」，见名以为素食，原来是一打卡cafe。入apm往Godiva 方向落左边短电梯或楼梯，靠右就见港贸中心，繁忙时间唔想等䢂可用玻璃正门左边侧边行两层就到。一出䢂，里面之侍应已急不及待「恭迎」，安排咗最入面帐篷般半室外嘅6人枱。但其实枱偏小偏窄，实则顶多坐3-4人，其余凳俾人放袋唧。靠的是几部座地冷气机，如夏天坐此处可能有点热。边埋坐位边心心眼，一排排垂吊落嚟啲灯饰未免太靓漏，身旁的儿童发出哗哗声，大乡里出城。因要等埋朋友，错过咗晚6点前可嗌嘅餐，手机落单下拣咗 儿童餐A，该儿童旋即消灭茄汁意粉（不太酸、仲有啲蕃茄蓉），薯条（咸淡度适中），炸鸡（隔离位都闻到香味，炸得刚好又少脆浆）。我颇钟意个烧牛肉紫洋葱沙律，尤其喜欢入面烧新鲜菠萝，啖啖有汁，烧牛肉够牛味又唔靭，只系略嫌太少酱汁，例如啲醋落得太轻手，唔够吊味。自家制茄汁香草肠意粉，汁底同儿童餐个意粉没两样，但个切片香草肠就有啲奇味……有啲就太劲类似尤加利嘅香草味，趋向药油味，但有啲又正常，如果呢啲香肠系自家制，估计系香草分布唔平均所致。