泰象泰國越南餐廳

营业中

休息中

我今次专登带家人去番呢间餐厅（同几年之前去比较，好像转咗个厨房咁，当时因工作，客人安排大家喺呢度午餐，当时系好好食的）今次系劲唔好食😅其中两样极难接受， 其中系“泰式蚝饼”，唔脆唔觉正宗之余，仲要啲蚝唔新鲜，有阵味， 食咗两啖大家都冇食到， 另外一道菜就系“猪颈肉炒芥兰“个猪颈肉茶餐厅都不如，好似雪死咗𠮶啲拎出嚟炒，又系有阵味；泰式炒粉，太酸，虾仁冇味，但还可以接受； 香叶炒软壳蟹都还可以；干炒虾球，汁嘅味道比较上可以， 但汁太多，唔系干炒嘅感觉，泰式奶茶太淡！😅 食完就喺度谂，早知喺酒店房嗌嘢食，仲可以唔使行🤣下次都系屋企附近九龙城食泰国嘢！