影片
更多
2023-03-09
573 浏览
吉列牛早系几年前已经热潮兴起，不过当时餐厅选择并唔多，印象中都无话特别好食。今次朋友话要带我地食好西，上网望到都觉得十分吸引 ¯֊¯ 呢间佐敦分店当日夜晚唔使排队都可以直入店内，不过其实都几乎满座！环境昏暗，有股居酒屋格调，举手落单好快就有嘢食送到黎啦 ( ˃ ᵕ ˂ )➤ 板烧吉列牛 ($118)第一次食所以叫啲original款试下，意外地提升咗我对吉列牛嘅观感！薄薄一层吉列唔会抢走牛肉风头，炸得松脆唔会太干硬，但仍难免有少许油腻感。牛排片虽然切得薄咗少少，不过油花分布平均，烧后口感软嫩、入口即化，摊冻咗都唔会变韧。可惜牛味不算浓郁，但碟旁酱汁可以提升层次，而且减轻油腻感，相当不错。店舖用珍珠米，饭香不重，软硬度适中。 不过比起吉列牛，个人认为友人食嘅板烧安格斯牛小排更加出色。虽然望落无咁多脂肪，但同样入口即溶、肉质嫩滑。牛味较浓，黑胡椒味令牛肉更能带出香气。 一直觉得石板烧都系注重仪式感多于实际，不过都系一个开心体验。店员见到燃料差唔多用晒都会主动换，值得加分。摆盘都非常靓，见到忍唔住赞叹⋯ 加埋灯光绝对一流，真系睇得又食得 ( •̤ᴗ•̤ ) 美中不足系通风较差，油烟味好犀
➤ 板烧吉列牛 ($118)第一次食所以叫啲original款试下，意外地提升咗我对吉列牛嘅观感！薄薄一层吉列唔会抢走牛肉风头，炸得松脆唔会太干硬，但仍难免有少许油腻感。牛排片虽然切得薄咗少少，不过油花分布平均，烧后口感软嫩、入口即化，摊冻咗都唔会变韧。可惜牛味不算浓郁，但碟旁酱汁可以提升层次，而且减轻油腻感，相当不错。店舖用珍珠米，饭香不重，软硬度适中。
不过比起吉列牛，个人认为友人食嘅板烧安格斯牛小排更加出色。虽然望落无咁多脂肪，但同样入口即溶、肉质嫩滑。牛味较浓，黑胡椒味令牛肉更能带出香气。
一直觉得石板烧都系注重仪式感多于实际，不过都系一个开心体验。店员见到燃料差唔多用晒都会主动换，值得加分。摆盘都非常靓，见到忍唔住赞叹⋯ 加埋灯光绝对一流，真系睇得又食得 ( •̤ᴗ•̤ ) 美中不足系通风较差，油烟味好犀利同埋有啲烟雾离漫，如果抽风系统好啲就perfect啦！另外，记住店舖只收现金啊 .ᐟ.ᐟ.ᐟ.ᐟ
推荐指数：🌕🌕🌕🌕🌑 7.3/10
张贴
