潮州人 (已搬遷) 新店位置

系附近做完瑜伽要揾野食，即时谂到潮州人，主打0味精汤底既米粉～✨花胶米粉花胶有完整一大块，超足料，食落够稔又软身。啲汤系清鸡汤，加上少少花胶浓郁既酱汁，将味鲜味提升左去呢一个层次！✨手切肥牛大蚬米粉（双拼+$8)大岘好鲜甜，肉质好弹牙！而手切肥牛又啱啱好熟，唔会鞋口之余食落仲充满肉汁。汤底加左清酒，所以带有少少酒味，僻除左海鲜既腥味之余亦唔会喧宾夺主。✨酒糟火鸡肾份量好多，两个人食极都食唔哂咁。鸡肾爽口，一入口就有好香既花雕味，而且相信鸡肾都浸左一段时间，非常入味，好啱夹米粉食。二人餐仲有个菜同两枝花旗参蜜，但由于本人唔太好花旗参，所以唔多讲啦～