君苑海南雞專門店泰式串燒

营业中

休息中

岂有此理， 离晒大嫂 ，等个外卖早餐等咗我25分钟，如果佢一早整好我食埋都得啦！本身谂住星期日食个普通的茶餐厅早餐外卖，嗌咗个嗲牛肉面餐同麦皮餐，等咗15分钟问女侍应争咩，佢话差个麦皮，又无帮我地追厨房，其实堂食唔系爆满唔算多人，班楼面一路系度呻忙，5分钟后到我地问麦皮煮好未，另一个人先问厨房煮好未，发现厨房原来无煮过，跟住系坑渠位拎煲唔知放咗几耐又冇冚盖的麦皮上黎加水煮，等佢煮好个麦皮啦，你以为走得？错啦，岩岩个女侍应要包外卖先望下张单，又话争个蛋治，痴线！佢跟本无帮我跟过张单，我又要等多5分钟等佢整个蛋治，我想讲呢间铺完全无服务态度，卫生环境极度差，我以后唔会再帮衬佢食个早餐都咁受气，一个5分钟就可以整好的外卖早餐等咗我25分钟，等到我个沙嗲牛肉面d面条涨过浮尸！！BTW，我食隔离【金丰米线】个早餐都无咁嬲，一样价钱，一样食物。