太興 (已搬遷) 新店位置

昨日假日又系星期日, 出街食饭有个风险系等位, 等到有位时, 多数会系三尖八角, 左拉右搭咁, 食到逼逼夹夹, 背脊骨落。但行到西湾河街头, 肚饿, 知道太安楼对外有几间食肆, 希望坐得好好地, 望望环境, 幸好, 十二点未有等位, 但靠得住明显无人, 即系好极有限, 反之太兴已坐九成满, 可一试, 平日就唔系好想入, 因为佢价钱属偏贵而唔太特别。入内, 刚有卡位, 正, 舒舒服服。见餐牌定好几款午餐, 烧味, 款款差唔多价钱6字头, 有饮品, 一于就试下梅菜扣肉饭。碟饭黎到, 有少少惊喜系同菜牌个样差唔多样, 两条菜心放两边, 出菜那位人兄都算有心机, 两条辣椒丝添了红色, 几靓。食落, OK 㖞, 第一反应系: 好过泉章居, 扣肉好化, 唔会柴皮咁实。味道, 梅菜比例均匀。白饭另上。跟杯冰镇奶茶, 好冻, 但几滑, 有茶味。总体黎计, 太安楼太兴各方面配合得宜, 以假日黎计, 60元就变得系好合理既洗费。