太平飯店 (已結業)

经朋友大力推介，于是这个星期天就同几条友一齐到左依间太平饭店食个晚饭。我地几个最后都系变左我一个拣食啲咩，咁我当然系当仁不让地拣合自己眼缘嘅食物啦！一个就系个溏心蛋，因为佢讲到又酒又花雕好似好劲咁，咁一定要试下。跟住就系个胡椒猪肚，算系正气野，个个都食得。然后就系黄金糖醋面，都系一个望落好似好劲嘅菜式。溏心蛋黎先，一开始有少少失望，因为个份量并唔系话好大，但食落都觉得系物有所值嘅，好溏心之余，有种几特别嘅蛋香同酒香嘅味道，算系一个唔错嘅体验。胡椒猪肚出乎意料地大份，入面嘅猪肚真系几足料，腍软味浓。每人一碗胡椒猪肚汤，放在这个转秋微凉的天气中，格外地暖胃，我自己本身是特别钟意饮汤嘅人，所以饮左两碗添。最后嘅黄金糖醋面，上碟个卖相金黄脆热，望上去系几好食，试落真的好脆，味道系很开胃的酸甜味道，不像是外来加上的甜脆，而是一点一点在面中渗出来的。大家将糖醋面敲成一片片来食，就好像食一道香脆的小食一样，好快就食哂