沖繩二段料理 (Megabox)

营业中

休息中

睇完戏都成9点几，其他餐厅都试过晒，系未试过呢间叫做”新开” 的冲绳菜。睇完menu最后拣左特别的二段定食。个set除左有6款主菜之外，仲可以拣返个炊饭汤底，我拣左大虾海鲜拼寿喜烧炊饭(蔬菜鸡汤底)，男人就拣左蜜糖芥末汉堡扒拼微辣蕃茄炊饭。可能已经冇乜人，上菜时间都好快，等左5-10分钟已经有。一黎就见到个蒸笼热辣辣出晒烟，二话不说跟返张卡仔既指示话拎起个蒸笼张d芝士倒晒入个炊饭度做返个拉丝既效果。试左个炊饭，其实应该算系汤饭(?)，两个饭既汤底味道非常浓郁，d饭索晒汤既精华，斋食饭其实都好够味！而d𩠌个份量都刚刚好，大虾海鲜入面有鱼有蚝同蟹柳，另外有椰菜同菇，非常健康。而蜜糖芥末汉堡扒就唔系好食到蜜糖芥末味，同一般食开既汉堡扒差唔多。但整体个炊饭都几特别，值得推介。