泰椰子

营业中

休息中

平日行返屋企见到黄竹坑熟食中心多左好多人帮衬，可能因为南港岛线通车的关系。平时我都系下午去饮杯奶茶叫件西多TEA  下，晚餐就当然要丰富啲。今晚就带左爸爸妈咪黎食泰椰子，一听个名就知系食泰国野。食泰国野我一定会叫返个椰青的，仲一定会用匙更𢳂晒啲椰肉黎食添，呢个椰青够晒大多汁。沙嗲一碟有猪同鸡，各3 串。个酱味道麻麻，唔够花生味，而且猪肉无味，有点失色。泰式木瓜沙律，呢个好好味，炸花生同炸蒜片好香口，柚子鲜甜，沙律油酸酸甜甜好醒胃。炸春卷个皮太厚，入面无乜料，味边一般。马拉盏炒椰菜苗有镬气，香口惹味，椰菜苗青甜爽脆。推介另外仲叫左碟湿炒牛河，无影到相，我估佢比错左猪肉我地，猪肉又系无肉味之外仲要有雪柜味，真心伏。 成餐饭最贵的粉丝虾煲，粉丝入味，两只大虾开边，有大量虾羔，呢个有惊喜。埋单五佰几蚊。好多住香港仔的朋友都话泰椰子好好味，令我有好大期望，结果不过不失啦，都可以再帮衬的。