影片
更多
2024-10-02
665 浏览
狗狗爸爸睇见宣传，知道呢度1/10供应慈善自助餐，我哋未嚟过食嘢，加上活动有意义，就趁假期喺1400左右过嚟（午餐供应至1500）。到达时间餐厅满座，侍应（或经理）同受惠机构的义工好好，侍应通知就快食完的客人有人等位，义工会帮忙睇下有冇空位，而我哋最后大概等咗10分钟。慈善自助餐系每年举行，而今年受惠的机构系香港弱智能人士家长联会。我未听过呢个组织，但透过捐款帮到家长们都几开心。自助餐的形式系以即弃餐具，由侍应分发、盛载食物。纸餐盘系分格设计，理论上各种带酱汁的食物都可以分开盛载，但因为格数唔多，如果想每样试少少，最后都有几样食物要加到主食（即炸物、烤饼、饭）果格。食物选择唔系好多，但应该都系有代表性的印度食物：（小食）Idly蒸米糕、Vada炸团；（主食）Dosa煎饼、Roti全麦烤饼、Naan印度烤饼、Veg Pulav印度香料饭、Rice白饭；（主菜）Potato Dry Curry薯仔烩咖哩：、Palak Paneer牛油芝士菠菜蓉咖喱、Channa Masala三角豆咖喱；（酱汁）Sambar蕃茄酸辣酱、Dal Tarka黄扁豆咖喱、Raitha杂菜伴乳酪、Mint Chut
到达时间餐厅满座，侍应（或经理）同受惠机构的义工好好，侍应通知就快食完的客人有人等位，义工会帮忙睇下有冇空位，而我哋最后大概等咗10分钟。
慈善自助餐系每年举行，而今年受惠的机构系香港弱智能人士家长联会。我未听过呢个组织，但透过捐款帮到家长们都几开心。
自助餐的形式系以即弃餐具，由侍应分发、盛载食物。纸餐盘系分格设计，理论上各种带酱汁的食物都可以分开盛载，但因为格数唔多，如果想每样试少少，最后都有几样食物要加到主食（即炸物、烤饼、饭）果格。食物选择唔系好多，但应该都系有代表性的印度食物：（小食）Idly蒸米糕、Vada炸团；（主食）Dosa煎饼、Roti全麦烤饼、Naan印度烤饼、Veg Pulav印度香料饭、Rice白饭；（主菜）Potato Dry Curry薯仔烩咖哩：、Palak Paneer牛油芝士菠菜蓉咖喱、Channa Masala三角豆咖喱；（酱汁）Sambar蕃茄酸辣酱、Dal Tarka黄扁豆咖喱、Raitha杂菜伴乳酪、Mint Chutney薄荷酱、Tomato Chutney印式蕃茄酱、Coconut Chutney椰子酸辣酱；（甜品）Kheer活兰特色炼奶。
Idly蒸米糕：狗狗爸爸试咗，冇encore
Vada炸团：狗狗爸爸话脆而不油，似印度素麦乐鸡，佢赞好有趣，食完再食
Dosa煎饼：迷你版，每次出几件，脆而好味
Roti全麦烤饼：㶶㶶地，唔觉麦味，食落冇乜负担，唔「漏」
Naan印度烤饼：heavy啲，如果要点酱/咖喱，建议拣roti会清爽啲
Potato Dry Curry薯仔烩咖哩：薯仔炆得好软稔
Veg Pulav印度香料饭、Rice白饭：炒饭睇颜色同配料唔系好吸引，但炒得粒粒分明
Palak Paneer牛油芝士菠菜蓉咖喱：好食，但芝士粒少，主要食菠菜蓉咖喱
Channa Masala三角豆咖喱：鹰嘴豆唔系好多，同上面个主菜一样，主要食酱汁
Sambar蕃茄酸辣酱：对比餐厅其他咖喱，呢个酱汁偏辣；咖喱里面好似有少少蔬菜蓉，而辣椒系原只，辣椒劲辣
Dal Tarka黄扁豆咖喱：通常食印度嘢可无限添加，我以前会当汤饮；呢度的Dal都整得几好，味道温和，稀杰适中
Kheer活兰特色炼奶：有椰子糖果种椰子味，好杰，似落咗好多粉；狗狗爸爸话太甜，我觉得作为现场唯一甜品，佢的甜度都可以接受，但入口似食紧浆糊口感的糊
Raitha杂菜伴乳酪、Mint Chutney薄荷酱、Tomato Chutney印式蕃茄酱：、Coconut Chutney椰子酸辣酱：试咗薄荷酱同椰子酸辣酱，一般，冇特别惊喜，之前去重庆大厦食过味道比较有层次同好味的
餐厅有善心，愿意花一日时间同营业额行善，虽然食物唔算特别出色，但亦非常值得支持！老板喺现场，亦有人啲工作员会拍摄纪录，所以嚟食嘢有可能入镜，作宣传用途。食完我唔会喺平日嚟帮衬，因为食物唔算突出，而平日消费的价格亦唔特别抵食。呢度的环境唔错，座位舒适亦够光猛，地理上好方便，好近地铁站
张贴
