三ステーキ

营业中

休息中

石板牛扒系香港愈开愈多，今次都系因为朋友大力推介，话cp值劲高，所以第一次食。身为食肉兽，其实我都唔识分辨唔到牛嘅部分。点餐都只系抱着侥幸嘅心态，选择最化算嘅$75 180g 三拍子牛。趁师傅仲整紧件牛，就去攞沙津先。沙津选择唔多。沙律都有个胶盖盖住，感觉卫生啲。枱面同架上都有唔同嘅酱料俾我地点牛扒食，例如豉油酱料、蒜蓉、牛扒汁、醋等等， 一定可以沟到自己满意嘅酱汁。我就最钟意牛扒汁，用嚟伴饭食都好正。过咗冇几耐就攞得牛扒。呢个时候就发觉张枱真系好细我哋坐二人枱，放咗两个石板、两碗饭、两碗汤、两个酱油碟，张枱根本就满晒。讲返块牛扒，180g比想像中大份。牛扒比较厚身，大约三只手指厚度。可能就系因为咁唔会咁快熟晒。刚刚上菜嘅时候系一成熟。有经验嘅朋友话要切定几件先。石板keep住好热，如果真系发觉唔够热都可以问店员换石版。一路食，牛板一路熟，由一成熟，到五成再差唔多全熟。我就最钟意五成。牛扒喺石板上，有少少牛脂被逼咗出黎，送饭一流。