影片
更多
2024-12-03
456 浏览
1++韩牛加酱油蟹，应该系最强组合啦啩？喺尖沙咀嘅韩国菜餐厅GALBI TOWN 갈비타운，Menu唔算超级多选择，但样样精致，高级又好食。呢度嘅烧肉尤其精致，料靓之余有专人帮手烧，而其他韩国食品亦相当有质素。最重要系呢度坐得相当松动，环境又唔错。烧1++韩牛肉眼 $3401++，就系皇牌，韩牛中嘅极品，加上系肉眼，基本上一定高质素，加上有专人帮手烧，佢会烧到啱啱好(大约系medium)，再切成一件件，冇嘢好担心。想要多啲调味嘅话，佢另外有提供盐糖韩式酱料。酱油蟹 $270二百零蚊只酱油蟹其实相当合理，加上本身有个紫菜饭跟埋，食完都几饱。酱油蟹最重要就系酱油，呢度做嘅酱油味道非常充足，咸香味相当够，同新鲜嘅生蟹好夹。猪肋肉 $198呢度嘅真正秘密武器。百几蚊嘅猪肋肉同样有专人帮手烧，但本身腌好咗嘅猪腩肉味道相当惹味，又唔会太腻，个人觉得系最抵食嘅菜式。大酱汤 $118本身唔起眼嘅大酱汤系韩国家庭中常见嘅菜式，实际上佢嘅味道好丰富，汤嘅味道好足够，但都唔及佢嘅配料，多到夸张。当中嘅洋葱、菜、三色椒、豆腐、牛肉猪肉、鸡髀菇等等嘅料都非常多，基本上食到最后系得返固体😂。GALBI TOWN嘅
喺尖沙咀嘅韩国菜餐厅GALBI TOWN 갈비타운，Menu唔算超级多选择，但样样精致，高级又好食。呢度嘅烧肉尤其精致，料靓之余有专人帮手烧，而其他韩国食品亦相当有质素。最重要系呢度坐得相当松动，环境又唔错。
烧1++韩牛肉眼 $340
1++，就系皇牌，韩牛中嘅极品，加上系肉眼，基本上一定高质素，加上有专人帮手烧，佢会烧到啱啱好(大约系medium)，再切成一件件，冇嘢好担心。想要多啲调味嘅话，佢另外有提供盐糖韩式酱料。
酱油蟹 $270
二百零蚊只酱油蟹其实相当合理，加上本身有个紫菜饭跟埋，食完都几饱。酱油蟹最重要就系酱油，呢度做嘅酱油味道非常充足，咸香味相当够，同新鲜嘅生蟹好夹。
猪肋肉 $198
呢度嘅真正秘密武器。百几蚊嘅猪肋肉同样有专人帮手烧，但本身腌好咗嘅猪腩肉味道相当惹味，又唔会太腻，个人觉得系最抵食嘅菜式。
大酱汤 $118
本身唔起眼嘅大酱汤系韩国家庭中常见嘅菜式，实际上佢嘅味道好丰富，汤嘅味道好足够，但都唔及佢嘅配料，多到夸张。当中嘅洋葱、菜、三色椒、豆腐、牛肉猪肉、鸡髀菇等等嘅料都非常多，基本上食到最后系得返固体😂。
GALBI TOWN嘅地点方便，环境阔落，嘢食高级又有专人服侍，系一班人几唔错嘅聚会地方，难怪呢度嘅服务员做到冇停手，周围都系饮饱食醉嘅客人。
张贴
