波仔

营业中

休息中

波仔真系好方便，一出油塘站B出口就有呢间专门店，有汤、饭、菜、甜品都有，价钱仲好实惠👍🏻，如果屋企有微波炉就真系10分钟就可以开饭。今次行川菜路线，拣左以下：水煮牛肉（$39），都几正宗嘅四川菜，牛肉薄片，有啲芽菜木耳丝，仲有花椒，辣得过瘾🌶️。麻辣鸡煲（$39），分别系鸡搥同鸡翼🍗，超入味，辣度就无水煮牛肉咁强烈，酱香味较重。马拉盏通菜（$13），就咁摆落微波炉叮4分钟，🥬加马拉盏酱就食得。好爽脆惹味。白饭（$8），🍚其实份量都几大，细食嘅可以两个人分都得。屋企如果无微波炉，可以系店铺拣预热嘅款式♨️，亦可以连包装摆落镬煮加热，好方便架。