波仔

营业中

休息中

我成日都懶煮飯,就會去波仔買嘢食返屋企，買左盒 芝士泡菜雞粒炒飯，上面勁多芝士碎，岩哂鐘意食芝士既我，同埋唔算好辣，都幾好味！之後我多數會買多２個糖水，紅豆沙同綠豆沙，同埋屋企人食就可以２隻味都食哂啦

今日懶煮飯去波仔買嘢食返屋企煮，原來波仔推出日韓做美食節我買咗咗波仔新產品嚟試吓芝士泡菜雞粒炒飯 有好多碎芝士係雞粒炒飯上面，加埋泡菜嘅微辣味道，有驚喜白汁芝士煙肉意粉 白汁味道唔錯，加埋芝士係面層，同係餐廳食到嘅白汁芝士煙肉意粉 差唔多圃木園小籠包 皮薄包裹住豬肉餡料，食落仲有肉汁流出，以frozen food 計，質素算係好唔錯最後食埋椰汁紅豆南瓜蓉 ，內有粒粒紅豆，南瓜蓉有絲絲南瓜，都幾真材實料以波仔呢個價錢，食到呢個質素，性價比真係唔錯

宵夜我都會準備定波仔，叮一叮就食得，有時肚餓起上黎最緊要快又熱就食到。白汁芝士煙肉意粉白汁個味岩好同夠香濃，白汁芝士配上意粉一起連汁食烟肉夠咸香味，意粉份量多而且質地剛剛好夠彈牙。椰汁紅豆南瓜蓉食完飯食個甜品先，呢個椰汁可以即開即食，甜度唔會太甜南瓜蓉夠晒健康。芝士泡菜雞粒炒飯泡菜夠酸酸辣辣夠特別，整個飯配有泡菜所以聞起來好香，雞粒就算叮左都一樣夠嫩身，好在韓風味道。圃木園小籠包早陣子都食開太好味，皮薄呈半透明狀厚度適中，而小籠包內充滿湯汁好滋味。波仔日韓美食節有多款日本及韓國產地直送美食新產品登場即日起於波仔全線分店可以低至85折優惠價購買!

有時候諗日日煮咩食都諗到頭都大埋！早前放工經過樓下商場見到波仔新出日韓同西式系列，又有新外購食品，就買左幾樣試下啦。白汁芝士烟肉意粉：sauce非常多同好濃，不過芝士味唔算太濃。意粉仲係彈牙。鍾意重口味應該會鍾意。芝士泡菜鷄粒炒飯：芝士超級多，白飯配上粟米，有唔同口感。泡菜微辣偏酸、鷄粒分量都好多。如果鍾意惹味，呢款唔錯。圃木園小籠包：一直有食開呢一個牌子既小籠包，調味好食之餘，又juicy，不過平時要上網買，宜家波仔有就超級方便！椰汁紅豆南瓜蓉（糖水）：南瓜蓉超級creamy，再加椰汁好香濃。非常唔錯！宜家波仔推行緊日韓美食節，有多款日本同韓國產地直送美食新產品登場。即日起於波仔全線分店可以以低至85折優惠價購買！

一個人住一係外賣，一係食方便快捷叮叮食物，行過波仔日韓美食節，多款日本及韓國產地直送美食新產品登場，我都買左幾款返屋企看門口，即日起波仔全線分店，仲有低至85折優惠白汁芝士煙肉意粉同泡菜豬肉片飯叮4-5分鍾食得，一盒先幾十蚊，料足架唔會用幾十蚊買白飯CJ Bibigo韓國泡菜酸中辣好食，補充益生菌，鹹味重岩用來做公仔都炒假杯仔湯同糖水都抵食，十來元試了椰汁紅豆南瓜蓉，冷食熱食都得，甜度適中，重南瓜香味

聖誕節同朋友食咗幾餐大餐，簡直飽到上心口。來到除夕夜，我終於留翻喺屋企同家人倒數。喺屋企過，簡簡單單食一餐都咁開心😃，我就買咗幾盒「波仔」叮叮佢！我呀媽間唔使都會買定兩盒波仔飯放雪櫃，但我今次自己去到舖頭，先知啲款式原來多到一個點😱。店內嘅姐姐店員好好人，更會向我哋介紹有乜優惠。而家嘅波仔連蔬菜都有賣🥦🥕？我買咗一盒飯、一盒麵、一個餸同兩碗大糖水，埋單$130有找！勁抵😍。清湯牛腩(原價$48, 優惠價$42)，姐姐話係新產品，而家做緊推廣先有特價。我冇諗過叮叮食物都會有清湯腩賣囉🐮！呢盒清湯牛腩嘅味道同造型絕不欺場，牛腩份量多，每件大大粒，冇乜肥膏。湯底雖然唔稱得上好好飲，但起碼食得出冇味精。呢個餸配白飯一流，波仔亦有賣一盒盒嘅白飯，直頭係一條龍服務，但我屋企會煮飯就冇買到。瑤柱雞粒荷葉飯($25)，荷葉飯真係有塊大荷葉喺度🍀。呢個飯幾好食喎，飯粒分明，而且餸料亦都多，有雞肉、瑤柱同冬菇等。荷葉味唔算好出，但感覺喺冬天食呢個飯啱晒🍚，暖粒粒。和風牛肉炒烏冬($26)，炒烏冬嘅賣相唔錯🥢，肥牛片同洋蔥絲有好多，每啖都食到，味道亦夠濃郁。但唯一略嫌烏冬麵質淋左啲。喳咋($19)以及綠豆沙

波仔最近新推出了墨西哥長通粉及冬菇馬蹄肉餅   買黎做早餐都唔錯呀 放於微波爐叮一叮好快就就食得，最岩我的懶人。  冬菇馬蹄肉餅肉餅有冬菇及馬蹄粒，肉餅軟淋馬蹄粒一粒粒有口感，一來又健康，晚餐當一日餸都係好選擇 墨西哥長通粉 (HK$25)用墨西哥辣椒特別調製而成嘅醬汁，加埋長通粉配有火腿、紅椒、青椒，醬汁酸酸辣辣每一口食起都好開胃 。 即日於波仔全線分店可以優惠價$34 (原價$40) 購買冬菇馬蹄肉餅或 $25購買墨西哥長通粉@eateast.hk#波仔 #正餐 #早餐 #午餐 #晚餐 #宵夜 #湯 #糖水 #叮叮飯 #叮叮菜 #叮叮湯 #叮叮糖水 #叮叮粉麵 #叮叮 #墨西哥長通粉 #冬菇馬蹄肉

波仔真係好方便，一出油塘站B出口就有呢間專門店，有湯、飯、菜、甜品都有，價錢仲好實惠👍🏻，如果屋企有微波爐就真係10分鐘就可以開飯。今次行川菜路線，揀左以下：水煮牛肉（$39），都幾正宗嘅四川菜，牛肉薄片，有啲芽菜木耳絲，仲有花椒，辣得過癮🌶️。麻辣雞煲（$39），分別係雞搥同雞翼🍗，超入味，辣度就無水煮牛肉咁強烈，醬香味較重。馬拉盞通菜（$13），就咁擺落微波爐叮4分鐘，🥬加馬拉盞醬就食得。好爽脆惹味。白飯（$8），🍚其實份量都幾大，細食嘅可以兩個人分都得。屋企如果無微波爐，可以係店鋪揀預熱嘅款式♨️，亦可以連包裝擺落鑊煮加熱，好方便架。

今日突然口痕痕，想食啲辣野，波仔幫到我，波仔好多款式選擇，而家連川菜都有，方便又好味。今次我揀左麻辣雞煲、水煮牛肉、通菜同一個白飯，兩個人食好豐富。所有野叮幾分鐘就食得，雞煲入面有2隻雞翼+4隻雞槌，香口惹味，食左舊先記得影相。醬汁香濃，雞件滑溜。水煮牛肉，一試愛上，喺我鐘意食嘅麻辣口味！牛肉麻得好過癮，牛肉都算多，又多配料，有芽菜， 芫茜 ，雲耳， 花椒！兩個餸餸飯一流，買多個菜balance下先。👏

最近疫情大爆發，本身晚6朝5禁堂食，到宜家24小時禁堂食。屋企3個人分別諗日日煮咩食都諗到頭都大埋！😵有日放工經過樓下商場見到波仔新出小菜系列，之前好似只係得飯盒、甜品類等等。最近無出過街食、突然想食D重口辣野就選擇左麻辣雞煲同水煮牛肉，搭配埋馬拉盞通菜同白飯，連爐都唔駛開就完成一餐，又方便又好食！麻辣雞煲：濃味道、濃醬汁鷄翼煲、唔算太辣，平時可以食小辣既人都接受到，鷄翼數量好多，而且有蒜頭同洋葱搭配，送飯一流水煮牛肉：分量都好大、肉片都好多，而且有好多蔬菜。超香麻辣味、會比麻辣雞煲辣，而且超級麻！接受到麻辣先好試！不過鍾意食麻辣既我就覺得好正！馬拉盞通菜：通菜好新鮮、可以成個放入微波爐最後再加入馬拉盞！基本上唔辣，馬拉盞好香！有興趣的話，大家都可以去波仔買黎試下。由即日起至8月31日，係波仔全線分店可以優惠價$39 (原價$45) 購買麻辣雞煲或水煮牛肉凡購買任何一款小菜系列可以優惠價$6加配白飯一個或$8加配紅米飯一個

因為疫情關係，都不會外出食飯，我就選擇外賣自取比較多，我就去附近地鐵站既波仔揀幾盒返去開餐。放入微波爐叮一叮又得，隔水蒸都得 除去包裝袋，隔水蒸10-15分鐘就食得 產品選擇多有飯麵、粥、糖水、小食 等等 麻辣牛腩湯米粉!! 好味必吃 牛腩幾有咬感，咬落去彈口而不韌， 而米粉入口啖啖都有麻辣味道真滋味 瑤柱雞粒荷葉飯 整熱後有陣荷葉香氣，佢既飯份量都幾足夠，瑤柱雞粒很入味 咖喱牛肉飯  香濃咖喱，牛肉質感很嫩滑連汁撈飯一起食。 價錢都係約HK$25-$30

最近抗疫期間，為左避免外出聚餐，日日自己係屋企煮，雖然健康清淡，但有時候都想食下D濃味少少既野！但又唔夠膽出去食，買波仔返屋企就岩曬啦！由小學食到大既波仔，10幾年價錢一樣都係禁親民，而且食物款式都越來越多，但我最鍾意都係始終如一既南京豬扒菜飯同沙爹鷄串XO醬炒飯。南京豬扒菜飯味道會比較清淡、而沙爹鷄串XO醬炒飯會比較濃味。另外之前食過D糖水都唔錯，今次就買大碗裝！喳咋係定番，超足料又香！另外椰汁紫米露都唔錯！

最近成日喺屋企，每日都要諗吓叫咩外賣好，真係好苦惱，又貴，所以我有時趁出開街都會去附近波仔買定啲糧食返屋企，貪佢又方便又抵食。和風牛肉飯 $26 最大路食到牛肉飯嘅餐廳已經無去好耐，想輕鬆食到，去波仔就有，價錢一樣抵食，洋蔥牛肉份量都充足，最正係叮6分鐘就食得，夠哂方便。叉燒雜菌炒烏冬 $25 炒麵類好難有伏，呢個直情好食，重口味嘅我覺得佢夠哂惹味，食落唔會覺得自己食緊叮叮，但如果你食開清淡啲嘅話，呢個可能對你嚟講有少少鹹。芝麻糊 $17、紅豆沙 $17 大size嘅糖水唔講得笑，建議你班齊2-3個人一齊share，呢個價錢有糖水，仲要食到足料，抵玩👍🏻如果你鍾意睇我嘅食評，不妨關注我，支持吓我，謝謝你☺️💕

今日去左油塘探個朋友，佢岩岩搬左去油塘，我就上去參觀下佢屋企。見到地鐵站一出就有間波仔。記得以前讀書，放學下午茶必定會去波仔買個叮叮飯，份量小小tea既份量岩岩好。今日見到波仔有糖水，就買左幾盒上去朋友屋企叮黎食下。價錢好抵食！間中過下口癮都幾好。我叫左五款糖水，有綠豆沙、喳咋、芝麻糊、紅豆沙、紫米露。即叮即食好方便啊！我食左2盒，朋友食2盒，留低1盒另一日早餐食！芝麻糊好香好重芝麻味，質感比較稀。喳咋都有好多款豆類，入口綿綿。

以前細個嘅時候媽媽都成日會帶我去食東東雲吞麵,隨住時代嘅變遷,大財團嘅洗禮,東東雲吞麵好似已經絕跡咗喺香港嘅土地上喇。取而代之嘅好似只係淨番喺超級巿場先可以買到嘅獨立包裝雲吞,同埋呢間唔係好多地方都有分店嘅"波仔",呢度絕對係做街坊生意,窮人恩物,亦係大眾學生嘅福利,一到lunch時間,就會見到好幾位學生都會喺度"立食"叮叮飯,又或者即場叮完拎去附近嘅休憩地區品嚐。對於我嚟講亦唔例外,放工後要獨自解決,費事諗又費事煮,最就腳就係一出地鐵站就嚟"波仔"買番碗只係$20蚊嘅南瓜粥番屋企,五分鐘都唔洗已經有得食喇。其實波仔都有好多大眾化嘅種類,例如肉醬意粉啦,咖哩牛腩飯啦,粟米肉粒飯啦等等,但南瓜粥就永遠都係我嘅首選揭開膠碗蓋,再撕開薄膜,放入微波爐先叮三分鐘,拎番出嚟之後,因為碗粥都幾深㗎所以底下嘅粥會唔夠熱,呢個時候就要用匙羹再攪勻一下佢,再放入微波爐叮多兩分鐘~~~叮!!!!!食得~粥底其實都好有味,裡面有切開一粒粒嘅南瓜同埋好多豬肉碎,每一啖都好有口感,一邊睇住電視一邊慢慢食,都算係一種平價享受吖