二少門 (已結業)

🦐100公斤虾头煲成66碗浓虾汤见到上面𠮶句我就毫不犹豫入咗去试吓🤣呢间系新开嘅，咁啱经过旺角嘅时候见到，地方都好干净企理✅价钱合理，仲见到佢而家做紧限量半价海鲜浓虾汤面⭐️🦐海鲜浓虾汤面每碗浓虾汤有1.5公斤虾头精华，店舖每日新鲜熬制，上面仲有好多樱花虾。饮落去汤底冇味精，好浓嘅虾味，面条烟烟韧韧，仲有一只鲍鱼、两只带子、半只溏心蛋。💫+$18套餐要咗炸虾角+霸气玉油柑炸虾角肥嘟嘟咁，入面满满嘅虾肉，外面嘅皮好薄同埋脆。玉油柑有少少柑香亦都有少少话梅嘅味道，我觉得几开胃几清新。🍜牛宝宝虾汁拌面基本上用嚟捞面嘅汤都系一样系虾汤，上面两块牛肉差唔多七成熟，肉质啱啱好一啲都唔靭，反而牛腩有少少失色。🍃+$18套餐要咗脆炸猪手粒+百香果梳打猪手粒好大粒，如果脆浆再薄少少就好啦。🌿香卤台式鸭舌 啲肉好爽，都算大同埋多肉，味道啱啱好，又有少少辣辣地好惹味。