影片
更多
2012-10-13
51 浏览
系SaVoye Bistro叹完法国菜, 10点几转场, 行2个街口就去到清风街, 我地今日揾食嘅第2站, 弥漫日本韵味嘅甜品店--「弥月屋」!!!哗!!! 门口好多人等紧位呀!!! 之前上网做资料搜集, d网民又话全晚先得佢地2个客嘅?!! 点算呀而家?!!拨开暖帘, 服务员小妹妹系厨房出菜位飞身扑出, 帮我地登记咗姓氏, 同埋手提电话号码头4个数目字作为密码... 我觉得呢个方法好聪明呀!!! 陈李张王何先生小姐太太呢d称呼比比皆是, 当踫巧有重复的时候, 必有争拗... 加咗个密码的话, 就唔使惊轮到我地果时, 会有人走出o黎冒认啦~查实话全晚先得佢地2个客嘅网民仲话d服务员黑面又唔想做咁, 但系今晚所见又唔系㖞... 所以呢... 我都同朋友讲, 有时网民写到天花龙凤嘅食店, 去到又唔多掂, 反而比网民写到差到无可再差嘅食店, 去到又OK㖞... 搞到我而家都唔敢尽信网民所写嘅食评, 有时见到d好有特色好想试吓嘅食店, 都会博吓~等候期间, 留意到门外左边有电子显示器, 不断播放招牌菜的照片, 可以拣定食咩, 又可以消磨时间...右边有1个大玻璃窗, 可以望到餐厅内嘅环境...
哗!!! 门口好多人等紧位呀!!! 之前上网做资料搜集, d网民又话全晚先得佢地2个客嘅?!! 点算呀而家?!!拨开暖帘, 服务员小妹妹系厨房出菜位飞身扑出, 帮我地登记咗姓氏, 同埋手提电话号码头4个数目字作为密码... 我觉得呢个方法好聪明呀!!! 陈李张王何先生小姐太太呢d称呼比比皆是, 当踫巧有重复的时候, 必有争拗... 加咗个密码的话, 就唔使惊轮到我地果时, 会有人走出o黎冒认啦~
查实话全晚先得佢地2个客嘅网民仲话d服务员黑面又唔想做咁, 但系今晚所见又唔系㖞... 所以呢... 我都同朋友讲, 有时网民写到天花龙凤嘅食店, 去到又唔多掂, 反而比网民写到差到无可再差嘅食店, 去到又OK㖞... 搞到我而家都唔敢尽信网民所写嘅食评, 有时见到d好有特色好想试吓嘅食店, 都会博吓~
等候期间, 留意到门外左边有电子显示器, 不断播放招牌菜的照片, 可以拣定食咩, 又可以消磨时间...
右边有1个大玻璃窗, 可以望到餐厅内嘅环境... 咦... 咦... 坐Tatami嘅?!! Oh my god!!! 我今日著婆仔鞋, 冇著袜呀!!! 点算呀?!! 好惊除咗鞋之后会有异味㖞!!! 朋友好衰咁笑住话"咪当隔离铺d榴梿布甸嘅味啰, KeKe"... 激死, 笑唔出, 继续担心紧之际, 见到原来右边系榻榻米, 左边系正常嘅木枱木櫈, 太好喇, 希望我地可以唔使坐榻榻米啦~
仲未到我地, 继续担天望地... 位于天桥底嘅清风街, 以前间中会o黎揾食, 多数都系去留家厨房, 有一段时间冇o黎, 真系变咗好多!!! 多咗好多特色食店, 睇o黎可以同另一半系呢条街再进行一次地毯式搜食!!!
等咗20分钟, 终于都入得啦!!! 系我想要嘅木枱木櫈位呀, 太好啦!!!
落完单就周围影吓相... 系咪好似去咗小丸子屋企咁呢... 店内陈设系100%怀旧日本Feel!!!
呢部收音机随时大年纪过我同你呀!!!
墙上贴满日式海报, 令我真系觉得自己呢一刻系置身系日本之中...
呢个入硬币嘅粉红公众电话唔知系收Yen定收港币嘅呢, 哈哈哈~
店内座无虚席... 大家都好努力影相同埋倾计... 其实我都好想坐Tatami, 下次同另一半再o黎一定要记得著返对袜...
林擒パイ(苹果批) -- 即叫即制, 落单后要等15-20分钟... 我地好好彩, 服务员到厨房落单后通知我地可以即刻有, 我估系有客Order咗又唔等得, 所以走咗啩... 原只林擒苹果, 被酥皮全面覆盖, 外型相当独特, 连铺底嘅和纸都靓过人!!! 底部有吉士, 苹果肉香甜无比, 松化嘅酥皮, 1个甜品满足你3个愿望!!! Size特大嘅林擒苹果, 细食嘅女士们, 可以当正餐食都得㖞, 要填饱肚皮绝对绰绰有余~
葛软糍 -- 见餐牌有原味、黑糖味、荔枝味(夏之限定), 我以为系1碟有晒3只味, 原来唔系, 1碟只有1只味... 考虑咗一阵, 决定要黑糖味, 因为见网友赞佢系日本嘅味道... 口感QQ的, 好冰凉, 味道越食越似蔗糖, 蘸唔蘸绿茶粉都一样咁好味~ 炎炎夏日食呢个甜品, 超级透心凉~
离开时, 服务员又再飞身扑出帮我地埋单, 并唔似网民所讲咁, 全部服务员都唔做o野挂住玩电话, 亦冇黑面吖~
食物味道亦唔似网民所讲咁难食啫, 我觉得好味㖞~
咁正嘅环境, 系香港都几难揾到第2间, 我一定会再o黎!!!
.
张贴
