影片
更多
2025-02-04
1655 浏览
望住咁靓既景色食点心真系第一次! 搭䢂上101楼果时，真系争啲以为自己去左日本旅行🥰，今日天朗气清，望得特别远，加上呢度楼底高，座位阔落，坐得好舒服；而家到2月尾仲有午市半价点心优惠，新年约亲戚系呢度食餐饭都几好，点心都有齐鲍参翅肚，尽显奢华，同亲戚食佢地一定钟意🤩蒸类点心特别推介燕窝金鱼饺，造型好可爱🫶，外皮晶莹剔透，带点烟韧口感，啖啖燕窝滋补养身；佛跳墙汤饺汤甜唔洗讲，用料上乘，鱼翅、鲍鱼粒，每啖都令人回味👏；松露羊肚菌饺，皮薄馅靓，味道浓厚，真系出面食唔到嘅味道!! 喜爱清甜味道嘅可以试下翡翠带子饺，带子带出嘅鲜甜味道调较得岩岩好🤤煎炸类点心特别推介樱花虾千丝酥，酥脆唔油，咬落出渗出樱花虾清香；鳕鱼窝夫卷都炸得几出色，脆中有鲜，入面有鲜虾及滑溜鳕鱼😚；鱼子蟹盒咬开有丝丝蟹肉，上面有鱼子同金箔，简直系deluxe享受；仲有MVP生煎和牛包，外皮半白半黑，下面用鼠尾草烟熏住，一食落去不得了，和牛本身已经鲜嫩可口，加埋鼠尾草烟熏味更加能够带出和牛嘅香浓肉味，味道充满惊喜😋，仲有最后嘅甜品，杨枝甘露同荔枝石榴露都相当有诚意，特别系荔枝石榴露加入左石榴同蕃石榴果肉，口感丝滑细腻又带点果肉咬
望住咁靓既景色食点心真系第一次! 搭䢂上101楼果时，真系争啲以为自己去左日本旅行🥰，今日天朗气清，望得特别远，加上呢度楼底高，座位阔落，坐得好舒服；而家到2月尾仲有午市半价点心优惠，新年约亲戚系呢度食餐饭都几好，点心都有齐鲍参翅肚，尽显奢华，同亲戚食佢地一定钟意🤩
蒸类点心特别推介燕窝金鱼饺，造型好可爱🫶，外皮晶莹剔透，带点烟韧口感，啖啖燕窝滋补养身；佛跳墙汤饺汤甜唔洗讲，用料上乘，鱼翅、鲍鱼粒，每啖都令人回味👏；松露羊肚菌饺，皮薄馅靓，味道浓厚，真系出面食唔到嘅味道!! 喜爱清甜味道嘅可以试下翡翠带子饺，带子带出嘅鲜甜味道调较得岩岩好🤤
煎炸类点心特别推介樱花虾千丝酥，酥脆唔油，咬落出渗出樱花虾清香；鳕鱼窝夫卷都炸得几出色，脆中有鲜，入面有鲜虾及滑溜鳕鱼😚；鱼子蟹盒咬开有丝丝蟹肉，上面有鱼子同金箔，简直系deluxe享受；仲有MVP生煎和牛包，外皮半白半黑，下面用鼠尾草烟熏住，一食落去不得了，和牛本身已经鲜嫩可口，加埋鼠尾草烟熏味更加能够带出和牛嘅香浓肉味，味道充满惊喜😋，仲有最后嘅甜品，杨枝甘露同荔枝石榴露都相当有诚意，特别系荔枝石榴露加入左石榴同蕃石榴果肉，口感丝滑细腻又带点果肉咬口，啖啖果香清新解腻💯
张贴
