King Ludwig Beerhall (已結業)

Item: King Ludwig Beerhall
Rating: 5
Author: 菲比熊

3.5

61 食记

味道

环境

服务

卫生

抵食

612

湾仔

$201-400

德国菜西餐厅

菲比熊

等级4

1.1K

6月5日, 105周月快乐~ *O*
每月一度嘅庆祝大餐, 今次拣咗黎King Ludwig食佢地嘅weekend brunch buffet!
事前做足资料搜集… 发现三间分别于赤柱, 尖沙咀同湾仔嘅分店供应嘅buffet不论价钱同时间都有唔同! 湾仔呢间虽然唔系最平不过系可以坐得最耐兼地点最方便我地~ 所以我地就决定黎呢度喇! 坐低无耐侍应先奉上一碟德国猪手比我地试下~ 如果觉得好味嘅就可以自己再出去拎咁~ goodgood!

::: 冷盘海鲜类 :::
一黎就去冷盘𠮶边睇下有咩食~ 沙律冷盘款式都唔少, 有新鲜沙律菜啦、椰菜沙律、粉丝沙律、杂豆沙律、意粉沙律同d cold cut等~ 海鲜方面有龙虾仔、翡翠螺、冻虾、青口咁, 食落都有咸鲜味. 仲有好多唔同种类嘅面包甚至芝士条, 当中就比较欣赏不断refill新鲜出炉嘅芝士香草包~ 又香又软熟! 另外仲有个杂菜汤, 都好味~ 不过为咗食多d佢地嘅烤德国猪手同其他烧烤野, 忍住都系唔食咁多~

::: 德国烧烤类 :::
黎得king ludwig梗系要叹下佢d 猪手同其他烧肉啦~ 先讲猪手, 虽然系buffet但质素同a la carte无异! D猪皮烧到劲脆卜卜, 肉质系keep到好嫩而带咸香, 其实都有d似我地广东式烧肉… 点少少mustard食又更添惹味, 实在另人忍唔住encore再encore!! 不得不提伴碟嘅薯仔粒都烤得非常好, 外皮略带微脆, 内里薯肉软淋适中有咬口, 而且薯味极浓~ 系一个十分抢镜嘅配角! 其他烧烤物仲有德国肠啦, 分别有白肉肠同粗身d嘅鸡肉肠, 当中我就觉得带司华力肠味嘅鸡肉肠好味d~ 试过两大德国特式食品之后, 再黎仲有烧肋骨、猪柳、猪扒、鸡翼、粟米等~ 好surprise d烧肉全部都烧得好干身但内里仍然十分juicy! 全部都好正!

::: 热盘意粉类 :::
先讲佢地嘅即煮意粉, 有两款意粉同两种酱汁比你拣, 意粉款式亦不时会转款. 另外就系自己夹材料, 虾仁、蚬肉、烟肉、磨菇、洋葱、芽菜、金菇等~ 虽然唔算特别但系出奇地煮得好好味! 搞到我其实好饱但都要食晒成兜意粉!
另一个十分出色但唔系次次供应嘅系呢个海鲜酥皮盒! 有虾有鱼有青口同杂菌做馅, 个酥皮盒焗得好脆又有牛油香, 虽然有成只手掌咁大但又系要忍唔住食晒~
推介食品仲未数完! 远离buffet枱外近门口有一counter, 可能有少少远所以好似冇乜人留意到, 有个厨师新鲜整紧d薯饼同磨菇芝士火腿多士, 系超好味! 个薯饼系由好多薯丝做成, 再煎到外脆内软, 薯饼混有一种牛油香~ 亦带出本身浓浓嘅薯仔味! 个磨菇芝士火腿多士就真系… 呢几样野夹埋本身已经好无敌…
其他熟食仲有葡汁鸡扒, 炆牛尾, 鱼柳等~ 全部水准都唔错.

::: 甜品雪糕类 :::
主要有几样特式cake, 有特浓朱古力软心蛋糕, 真系超浓味~ 甜度适中软绵绵嘅面包布甸~ 芝士味清淡但厚滑质地嘅cheesecake~ 滑滑creamy嘅朱古力mousse cake~ 同埋一d小巧嘅杯装甜品例如tiramisu、咖啡奶冻、木糠布甸、芒果mousse等~ 全部都几好味!! 同场仲有专人即制pancake, 不过个pancake就唔麻麻地, 可以唔食~ 仲有d鲜果西瓜蜜瓜哈蜜瓜同菠萝, 都鲜甜~ 另外亦有两种雪糕供应, 味道次次唔同, 但今次嘅两只味竟然系菠箩同芝麻… 有d格格不入…

呢个brunch buffet十分悠长, 可以由12点坐到4点, 呀菲试过坐到5点几都无人赶~ d waiter好nice, service都好好~ 食物水准亦高! 虽然环境不及赤柱咁有风味, 但King Ludwig成为咗我地最爱buffet之一!!!