Ristorante Pizzeria Da Vincenzo

营业中

休息中

$108一个set lunch，对于大角咀呢个区黎讲，如果就咁睇价钱系偏高嘅，不过如果以一个正宗嘅意大利餐厅去睇，其实真系物超所值，佢呢度lunch嘅价钱系畀晚市价钱差唔多平一半，但系份量同质素都一样冇减。沙律同埋餐汤之间我选择咗沙律，因为今日嘅餐汤系南瓜汤，唔系好啱我胃口，如果沙律一到嘅时候真系有惊喜㖞，一来好大碟，二来啲沙律菜好新鲜，沟埋黑醋同埋橄榄油好正。主菜就试咗一个名为番茄酱扭扭粉配意大利猪肉肠、青豆、牛肝菌同埋杂菌嘅意粉。佢个扭扭粉好有弹性，而佢落咗个番茄酱令到个意大利猪肉肠唔会好滞好漏，另外佢个牛肝菌同埋杂菌都好香。另外碟面嘅芝士粉都好正，啱晒我呢D Cheese Lover。之后我加咗$15要咗个tiramisu，呢度个tiramisu做得几好几滑，有tiramisu做甜品就梗系要饮返杯咖啡啦，杯咖啡仲系免费嘅餐饮。